ബലാത്സംഗം ചെയ്‌തെന്ന് യുവതിയുടെ പരാതി; എസ്.ഐക്കെതിരെ കേസെടുത്തു

ബലാത്സംഗം ചെയ്‌തെന്ന യുവതിയുടെ പരാതിയിൽ എസ്‌ഐക്കെതിരെ കേസെടുത്തു. കോഴിക്കോട് എ.ആർ ക്യാമ്പിലെ എസ്.ഐ  ജി.എസ് അനിലിന് എതിരെയാണ് പയ്യോളി പൊലീസ് സ്റ്റേഷനിൽ എഫ്‌ഐആർ രജിസ്റ്റർ ചെയ്തത്. തന്നെ പീഡിപ്പിച്ചതായും മർദ്ദിച്ചതായും ആരോപിച്ച് പയ്യോളി സ്വദേശിനിയായ യുവതി നൽകിയ പരാതിയിലാണ് കേസ് രജിസ്റ്റർ ചെയ്തിരിക്കുന്നത്. ഭർത്താവുമായി പിണങ്ങി കഴിയുന്ന യുവതിക്ക്‌ അഞ്ചു വയസ്സുള്ള ഒരു മകനുണ്ട്. 2017 സെപ്റ്റംബർ മുതൽ പീഡനം തുടങ്ങിയെന്നാണ് പരാതിയിൽ പറയുന്നത്. പയ്യോളി സി.ഐ എം ആർ ബിജുവിന്റെ നേതൃത്വത്തിലാണ് കേസ് അന്വേഷിക്കുന്നത്.