മലയാളി യുവതി ദുബായിൽ കുത്തേറ്റു മരിച്ചു; ഭർത്താവ് അറസ്റ്റിൽ
മലയാളി യുവതി ദുബായിൽ കുത്തേറ്റ് മരിച്ചു. കൊല്ലം തിരുമുല്ലവാരം സ്വദേശി സി വിദ്യാ ചന്ദ്രൻ (39) ആണ് മരിച്ചത്. സംഭവത്തിൽ ഭർത്താവ് തിരുവനന്തപുരം കാരയ്ക്കാമണ്ഡപം തെക്കേവീട്ടിൽ യുഗേഷിനെ (45) ദുബായ് പോലീസ് അറസ്റ്റ് ചെയ്തു.
തിങ്കളാഴ്ച വൈകുന്നേരം അൽഖൂസിൽ വിദ്യ ജോലിചെയ്യുന്ന സ്ഥാപനത്തിന്റെ കാർ പാർക്കിംഗ് മേഖലയിലാണ് സംഭവമുണ്ടായത്. വിദ്യയുമായി വാക്കേറ്റത്തിലേർപ്പെട്ട യുഗേഷ് കുത്തിക്കൊലപ്പെടുത്തുകയായിരുന്നു. ഓണം ആഘോഷിക്കുന്നതിനായി ചൊവ്വാഴ്ച നാട്ടിലെത്താനിരിക്കെയാണ് വിദ്യ കൊല്ലപ്പെട്ടതെന്ന് സഹോദരൻ വിനയചന്ദ്രൻ പറഞ്ഞു.
ഇരുവരും തമ്മിൽ ഏറെക്കാലമായി അത്ര നല്ല അടുപ്പത്തിലായിരുന്നില്ല. കഴിഞ്ഞ വർഷം ഭർത്താവിനെതിരേ ഗാർഹിക പീഡനത്തിന് വിദ്യ പോലീസിൽ പരാതി നൽകിയിരുന്നതായും വിനയചന്ദ്രൻ വ്യക്തമാക്കി. അതേസമയം, സന്ദർശക വിസയിലാണ് യുഗേഷ് യുഎഇയിൽ എത്തിയതെന്നും സൂചനയുണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here