ഹോർഡിംഗ് മറിഞ്ഞ് യുവതി മരിച്ച സംഭവം; എഡിഎംകെ നേതാവ് റിമാൻഡിൽ

വഴിയരികിൽ സ്ഥാപിച്ചിരുന്ന ഹോർഡിംഗ് മറിഞ്ഞു വീണ് യുവതി മരിച്ച സംഭവത്തിൽ എഡിഎംകെ നേതാവിനെ കോടതി റിമാൻഡ് ചെയ്തു. ​എഡി​എം​കെ കൗ​ൺ​സി​ല​റാ​യ ജ​യ​ഗോ​പാ​ലി​നെയാണ് അ​ല​ന്ദു​ർ മ​ജി​സ്ട്രേ​റ്റ് കോ​ട​തി​ റി​മാ​ൻ​ഡ് ചെ​യ്ത​ത്.

പെൺകുട്ടി മരണപ്പെട്ടതിനെത്തുടർന്ന് ഒളിവിലായിരുന്ന ജയഗോപാലിനെ സംഭവം നടന്ന് രണ്ടാഴ്ചയ്ക്കു ശേഷമാണ് അറസ്റ്റ് ചെയ്തത്. കൃഷ്ണഗിരിയിലെ ഹൊ​സൂ​രി​ന​ടു​ത്ത് ദെ​ങ്ക​ണി​ക്കോ​ട്ട​യി​ലു​ള്ള റി​സോ​ർ​ട്ടി​ൽ ​നി​ന്നാ​യി​രു​ന്നു പ്ര​ത്യേ​ക അ​ന്വേ​ഷ​ണ സം​ഘം ഇ​യാ​ളെ പി​ടി​കൂ​ടി​യ​ത്.

കഴിഞ്ഞ സെപ്തംബർ 12നായിരുന്നു അപകടം നടന്നത്. ജ​യ​ഗോ​പാ​ലി​ന്‍റെ മ​ക​ന്‍റെ വി​വാ​ഹ​ത്തോ​ട​നു​ബ​ന്ധി​ച്ച് എ​ഡി​എം​കെ പ്ര​വ​ർ​ത്ത​ക​ർ ചെന്നൈ പള്ളികരനായ് റോഡിൽ സ്ഥാപിച്ചിരുന്ന ഹോർഡിംഗ് ചെന്നൈ സ്വദേശിയായ സുഭശ്രീയുടെ മുകളിലേക്ക് വീഴുകയായിരുന്നു. നിയന്ത്രണം വിട്ട സ്‌കൂട്ടറില്‍ നിന്നും റോഡിലേക്ക് തെറിച്ചുവീണ യുവതിയുടെ ശരീരത്തിലൂടെ പിന്നാലെ വെള്ളവുമായെത്തിയ ടാങ്കര്‍ ലോറി കയറിയിറങ്ങി. യുവതി അപകടസ്ഥലത്തു വെച്ച് തന്നെ മരിച്ചു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top