രജനി വാക്ക് പാലിച്ചു; തന്റെ ആദ്യ സോളോ ഹീറോ സിനിമയുടെ നിർമ്മാതാവിന് സമ്മാനിച്ചത് 45 ലക്ഷം രൂപയുടെ ഫ്ലാറ്റ്

തനിക്ക് ഹീറോ പരിവേഷം സമ്മാനിച്ച നിർമ്മാതാവിന് സൂപ്പർ താരം രജനികാന്ത് നൽകിയത് 45 ലക്ഷം രൂപയുടെ ഫ്ലാറ്റ്. ‘ഭൈരവി’ എന്ന തൻ്റെ ആദ്യ സോളോ ഹീറോ ചിത്രത്തിൻ്റെ നിർമ്മാതാവ് കലൈജ്ഞാനത്തി​നാണ് രജനി ഫ്ലാറ്റ് സമ്മാനിച്ചത്. കലൈജ്ഞാനം വാടകവീട്ടിലാണെന്നറിഞ്ഞ രജനികാന്ത് ഫ്ലാറ്റ് നൽകാമെന്ന് വാഗ്ദാനം ചെയ്തിരുന്നു. ആ വാക്കാണ് അദ്ദേഹം ഇപ്പോൾ പാലിച്ചത്.

അടുത്തിടെ ചെന്നൈയിൽ കലൈജ്ഞാനത്തെ ആദരിക്കുന്ന ഒരു ചടങ്ങ് നടന്നിരുന്നു. പരിപാടിയിൽ വാ​ർ​ധ​ക്യ​സ​ഹ​ജ​മാ​യ അ​വ​ശ​ത​ക​ളോ​ടെ കലൈജ്ഞാനം വാ​ട​ക​വീ​ട്ടി​ലാ​ണ്​ താ​മ​സി​ക്കു​ന്ന​തെ​ന്ന്​ ന​ട​ൻ ശി​വ​കു​മാ​ർ വെ​ളി​പ്പെ​ടു​ത്തി. വേദിയിൽ രജനികാന്തും ഉണ്ടായിരുന്നു. വേ​ദി​യി​ലു​ണ്ടാ​യി​രു​ന്ന മ​ന്ത്രി ക​ട​മ്പൂ​ർ രാ​ജു ക​ലൈ​ജ്ഞാ​ന​ത്തി​ന്​ വീ​ട്​ ന​ൽ​കു​ന്ന കാ​ര്യം സ​ർ​ക്കാ​ർ പ​രി​ഗ​ണി​ക്കു​മെ​ന്ന് അറിയിച്ചുവെങ്കിലും ആ കാര്യം താൻ ഏറ്റുവെന്ന് രജനികാന്ത് അറിയിച്ചു.

ചെന്നൈ വിരുഗംപാക്കത്തിലാണ് രജനികാന്ത് ക​ലൈ​ജ്ഞാ​ന​ത്തി​ന്​ ഫ്ലാറ്റ് നൽകിയത്. ​മഹാ​ന​വ​മി ദി​വ​സ​ത്തി​ൽ ര​ജ​നി​കാ​ന്ത്​ വീ​ട്ടി​ലെ​ത്തി ഭ​ദ്ര​ദീ​പം​കൊ​ളു​ത്തി താ​ക്കോ​ൽ​ദാ​നം നി​ർ​വ​ഹി​ച്ചു.

1978ൽ പുറത്തിറങ്ങിയ സിനിമയാണ് ഭൈരവി. എം ഭാസ്കർ സംവിധാനം ചെയ്ത ചിത്രത്തിൻ്റെ നിർമ്മാണത്തിനു പുറമെ കഥയും സംഭാഷണങ്ങളും എഴുതിയത് കലൈജ്ഞാനം ആയിരുന്നു. വളരെ പ്രസിദ്ധമായ ‘സൂപ്പർ സ്റ്റാർ’ എന്ന ടൈറ്റിൽ രജനികാന്തിന് ആദ്യമായി നൽകിയ ചിത്രവും ഇതായിരുന്നു.