കൂടത്തായി കൊലപാതകം; പൊന്നാമറ്റം വീട്ടിൽ നിന്ന് സയനൈഡ് കുപ്പി കണ്ടെത്തി

കൂടത്തായി കൊലപാതക കേസിൽ പൊന്നാമറ്റം വീട്ടിൽ നടത്തിയ തെളിവെടുപ്പിൽ സയനൈഡ് കുപ്പി കണ്ടെത്തി. ജോളിയാണ് കുപ്പി എടുത്തുനൽകിയത്. ചെറിയ കുപ്പിലിയിലാണ് സയനൈഡ് കണ്ടെത്തിയത്. അടുക്കള ഭാഗത്തെ റാക്കിൽ നിന്നാണ് സയനൈഡ് കണ്ടെത്തിയത്. ഫോറൻസിക് സംഘത്തിന്റെ തെളിവെടുപ്പിലാണ് കുപ്പി കണ്ടെത്തിയത്. ഇന്ന് രാത്രിയാണ് ജോളിയ പൊന്നാമറ്റത്ത് എത്തിച്ച് തെളിവെടുപ്പ് തുടങ്ങയിത്.

ഫോറൻസിക് സംഘത്തിന്റെ പരിശേധനയ്ക്ക് ശേഷമാണ് തെളിവെടുപ്പ്. കൃത്യമായ തെളിവുകൾ ശേഖരിക്കുകയാണ് ലക്ഷ്യം. നേരത്തെ ഡിജിപി അടക്കം വടകരയിൽ എത്തിയിരുന്നു. ജോളിയെ ചോദ്യം ചെയ്തിരുന്നു. ദിവ്യ ബി ഗോപിനാഥിന്റെ നേതൃത്വത്തിലുള്ള സംഘം ഇന്ന് വടകരയിൽ എത്തിയ ശേഷം യോഗം ചേർന്നിരുന്നു. ഇതിന് ശേഷമാണ് മപൊന്നാമറ്റത്തെ വീട്ടിൽ പരിശോധനയ്ക്കായി എത്തിയത്. ആദ്യ ഘട്ടത്തിലെ വിശദമായ പരിശോധനയ്ക്ക് ശേഷമാണ് നിലവിൽ ജോളിയെ എത്തിച്ച് തെളിവെടുപ്പ് നടത്തിയത്.

ഇത് രണ്ടാം തവണയാണ് പൊന്നാമറ്റത്തെ വീട്ടിൽ തെളിവെടുപ്പ് നടക്കുന്നത്. അന്ന് ആദ്യം പൊന്നാമറ്റം വീട്ടിൽ പോവുകയും പിന്നീട് മഞ്ചാടിയിൽ മാത്യുവിന്റെ വീട്ടിലും അതിന് ശേഷം എൻഐടിയിലും പോയി തെളിവെടുപ്പ് നടത്തിയിരുന്നു.



നിങ്ങൾ അറിയാൻ ആഗ്രഹിക്കുന്ന വാർത്തകൾ
നിങ്ങളുടെ Facebook Messenger ൽ
Free Subscribe to Messenger Alerts
Top
More