108 ആംബുലൻസ് ഡ്രൈവർമാർ പണിമുടക്കുന്നു

108 ആംബുലൻസ് ഡ്രൈവർമാർ പണിമുടക്കുന്നു. രണ്ട് മാസമായി ശമ്പളം ലഭിക്കാത്തതിനെ തുടർന്നാണ് ഇന്ന് വൈകുന്നേരം മുതൽ പണിമുടക്ക് തുടങ്ങിയത്. ദിവസ വേതനമെന്ന രീതി മാറ്റി മാസ ശമ്പളം നിശ്ചയിക്കുക, ഓവർടൈം തീരുമാനിക്കുക എന്നീ ആവശ്യങ്ങളുന്നയിച്ചാണ് സമരം.

രണ്ട് മാസമായി ശമ്പളം ലഭിക്കാത്തതിനാൽ ഡ്രൈവർമാരും നഴ്‌സിംഗ് ജീവനക്കാരും പ്രതിഷേധത്തിലായിരുന്നു. കരാർ എടുത്തിട്ടുള്ള ജി വി കെ ഗ്രൂപ്പ് അധികൃതരുമായി ചർച്ച നടത്തിയെങ്കിലും ഫലമുണ്ടാകാത്ത സാഹചര്യത്തിലാണ് ഇന്ന് സമരം തുടങ്ങിയത്. തിരുവനന്തപുരം മുതൽ എറണാകുളം വരെയാണ് ഇപ്പോൾ 108 സർവീസുള്ളത്.