ഇനാം പ്രഖ്യാപിച്ചവരെ വെടിവെച്ചു കൊല്ലുന്നത് സ്വാഭാവികം; മാവോയിസ്റ്റുകളെ കൊലപ്പെടുത്തിയതിനെ ന്യായീകരിച്ച് ഷം​സീ​ർ എം​എ​ൽഎ

മാവോയിസ്റ്റുകൾക്കെതിരായ പൊലീസ് നടപടിയെ ന്യായീകരിച്ച് എഎൻ ഷംസീർ എംഎൽഎ. ഇനാം പ്രഖ്യാപിച്ചവരെ വെടിവെച്ച് കൊല്ലുക സ്വാഭാവികമാണെന്നും രാജ്യമെമ്പാടും ആയിരക്കണക്കിനാളുകളെ മാവോയിസ്റ്റുകൾ കൊന്നൊടുക്കിയിട്ടുണ്ടെന്നും ഷംസീർ പറഞ്ഞു.

ഇടതു പക്ഷത്തിൻ്റെ കാലത്തു മാവോയിസ്റ്റുകളെ വെടിവെച്ചു കൊന്നാൽ അവർ മഹാന്മാരും യുഡിഎഫിൻ്റെ കാലത്ത് കൊന്നാൽ അവർ മഹാ ഭീകരരും ആകുന്നതെങ്ങനെയാണെന്ന് ഷംസീർ ചോദിച്ചു. ഇതെന്ത് ന്യായമാണ്. ഇടതു പക്ഷം ഒ​രു എ​ൻ​കൗ​ണ്ട​റി​ൽ വി​ശ്വ​സി​ക്കു​ന്ന​വ​ര​ല്ലെന്നും മനുഷ്യന്മാരെ വെ​ടി​വ​ച്ചു​കൊ​ല്ലു​ന്ന സ​മീ​പ​ന​ത്തെ പി​ന്തു​ണ​ക്കു​ന്ന രാ​ഷ്ട്രീ​യ പ്ര​സ്ഥാ​ന​മ​ല്ലെന്നും ഷം​സീ​ർ പ​റ​ഞ്ഞു.

ലോ​ക​മെമ്പാടും സാ​ധു​ക്ക​ളെ വെ​ടി​വ​ച്ചു​കൊ​ന്ന നി​രോ​ധി​ത സം​ഘ​ട​ന​യാ​യ മാ​വോ​യി​സ്റ്റി​നെ മ​ഹ​ത്വ​വ​ത്ക​രി​ക്കാ​ൻ ശ്ര​മി​ച്ചാ​ൽ അ​ത് അം​ഗീ​ക​രി​ക്കാ​ൻ ഇ​ട​തു​പ​ക്ഷം ത​യാ​റ​ല്ലെന്നും ഷംസീർ കൂട്ടിച്ചേർത്തു.