മീനച്ചിലാറ്റിൽ കുളിക്കാനിറങ്ങിയ വിദ്യാർത്ഥി മുങ്ങി മരിച്ചു

കിടങ്ങൂർ കാവാലിപ്പുഴക്കടവിൽ കുളിക്കാനിറങ്ങിയ വിദ്യാർത്ഥി മുങ്ങി മരിച്ചു. അതിരമ്പുഴ സ്വദേശി താന്നിക്കിൽ വീട്ടിൽ ആഷിക് ഷിയാസാണ്(16) മരിച്ചത്. ഞായറാഴ്ച രാവിലെ സുഹൃത്തുക്കൾക്കൊപ്പം കാവാലിപ്പുഴക്കടവിൽ കുളിക്കാനെത്തിയതായിരുന്നു ആഷിക്. നദിക്ക് കുറുകെ നീന്തുന്നതിനിടെ ഒഴുക്കിൽപ്പെടുകയായിരുന്നു.

നാട്ടുകാരും അഗ്നിരക്ഷാ സേനാംഗങ്ങളും ചേർന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്. ആർപ്പൂക്കര ഗവൺമെന്റ് സ്‌കൂളിലെ പ്ലസ് വൺ വിദ്യാർത്ഥിയാണ്.