ഇടുക്കി ജീപ്പ് അപകടം: മരണം രണ്ടായി

ഇടുക്കി അടിമാലി സൂര്യനെല്ലിയിൽ ജീപ്പ് മറിഞ്ഞ് മരണം രണ്ടായി. അമല എം ശെൽവമാണ് മരിച്ചത്.

നേരത്തെ ഒരു സ്ത്രീ മരിച്ചിരുന്നു. കാർത്തിക സുരേഷാണ് (45) മരിച്ചത്. കാർത്തിക അപകടസ്ഥലത്ത് വച്ചും അമല അടിമാലി താലൂക്ക് ആശുപത്രിയിൽ വച്ചുമാണ് മരിച്ചത്.

തോട്ടം തൊഴിലാളികളുമായി മുട്ടുകാടിലേക്ക് പോയ ജീപ്പാണ് മറിഞ്ഞത്. ഇറക്കത്തിൽ നിയന്ത്രണം വിട്ട് മറിയുകയായിരുന്നു ജീപ്പ്. വണ്ടിയിൽ 15 ആളുകൾ ഉണ്ടായിരുന്നു. മൂന്ന്  പേരുടെ നില അതീവ ഗുരുതരമായി തുടരുന്നു.

പരിക്ക് പറ്റിയ മുഴുവൻ പേരെയും ആദ്യം അടുത്തുള്ള രാജകുമാരി ദേവമാത സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് ഗുരുതരാവസ്ഥയിലുള്ള നാല് പേരെ മെഡിക്കൽ കോളേജിലേക്കും ബാക്കിയുള്ളവരെ താലൂക്ക് ആശുപത്രിയിലേക്കും കൊണ്ടുപോയി.