Advertisement

വയനാട്ടിൽ വീണ്ടും സദാചാര ഗൂണ്ടായിസം; യുവാവിനെ നഗ്നനാക്കി മർദിച്ചു

November 25, 2019
Google News 1 minute Read

വയനാട്ടിൽ വീണ്ടും സദാചാര ഗൂണ്ടായിസം. ബത്തേരി സ്വദേശിയായ യുവാവിന ക്രൂരമായി മർദിച്ചു.
സ്ത്രീകൾ ഉൾപ്പടെ പത്ത് പേർ നഗ്നനാക്കി ക്രൂരമായി മർദ്ദിച്ചുവെന്നാണ് പരാതി. യുവാവിന്റെ ഇടത് കൈ ആൾക്കൂട്ടം തല്ലിയൊടിച്ചു.

സുൽത്താൻ ബത്തേരി വാകേരി നിരപ്പേൽ സ്വദേശിയായ യുവാവിനെയാണ് നഗ്നനാക്കി പത്തംഗ സംഘം മർദിച്ചത്. തുടർന്ന് ഇതിന്റെ ദൃശ്യങ്ങൾ വാട്‌സ്ആപ്പ് ഗ്രൂപ്പുകളിൽ പ്രചരിപ്പിക്കുകയും ചെയ്തു. ഗുരുതരമായി പരുക്കേറ്റ ഇയാൾ മേപ്പാടി വിംസ് ആശുപത്രിയിൽ ചികിത്സയിലാണ്.
സംഭവത്തിൽ നാല് പേർക്കെതിരെ കേസെടുത്തതായി മീനങ്ങാടി പൊലീസ് പറഞ്ഞു.

ക്രൂരമായ മർദനമാണ് തന്റെ ഭർത്താവിനെതിരെ ഒരു സംഘം ആളുകൾ നടത്തിയതെന്ന് മർദ്ദനമേറ്റ യുവാവിന്റെ ഭാര്യയും പറഞ്ഞു. യുവാവിനെതിരെ നടന്നത് സദാചാര ഗൂണ്ടാ ആക്രമണം തന്നെയെന്നാണ് പ്രദേശവാസികൾ പറയുന്നത്. തങ്ങൾക്ക് വർഷങ്ങളായി അറിയാവുന്ന ഒരു ചെറുപ്പക്കാരനാണ് ഇയാളെന്നും നാട്ടുകാർ സാക്ഷ്യപ്പെടുത്തുന്നു. ജില്ലാ പൊലീസിന് സംഭവത്തിൽ യുവാവിന്റെ ഭാര്യ ഉടൻ പരാതി നൽകും.

Story highlights- Moral policing, wayanad, attacked

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here