ആന്ധ്രാ പ്രദേശിൽ 60 കാരിയെ പീഡിപ്പിച്ച് കൊലപ്പെടുത്തി; വീടിന് ചുറ്റും മുളകുപൊടി തൂവി

ആന്ധ്രാ പ്രദേശിൽ 60 കാരിയെ പീഡിപ്പിച്ച് കൊലപ്പെടുത്തി, വീടിന് ചുറ്റും മുളക് പൊടി തൂവി. ആന്ധ്രയിലെ കാകിനാഡയ്ക്ക് സമീപമുള്ള ഗ്രാമത്തിലാണ് സംഭവം.

സംഭവവുമായി ബന്ധപ്പെട്ട് മൂന്ന് പേരെ പൊലീസ് കസ്റ്റഡിയിലെടുത്തിട്ടുണ്ട്. തുടരന്വേഷണത്തിനായി കൂടുതൽ തെളിവുകൾ ലഭിച്ചിട്ടുണ്ടെന്നും 12 മണിക്കൂറിനകം കേസന്വേഷണം പൂർത്തീകരിക്കുമെന്നും പൊലീസ് അറിയിച്ചു.

അതേസമയം, ഉത്തർ പ്രദേശിലും സമാന സംഭവം റിപ്പോർട്ട് ചെയ്തിട്ടുണ്ട്. 70 കാരിയെ പീഡിപ്പിച്ച 27 കാരൻ പൊലീസ് പിടിയിലായി. ഞായറാഴ്ചയാണ് പീഡനം നടക്കുന്നത്. തിങ്കളാഴ്ച തന്നെ അക്രമി പൊലീസ് പിടിയിലായി.