കെ ടി ജലീലിന്റെ വസതിയിലേക്ക് കെഎസ്‌യു മാർച്ച്; സംഘർഷം

മാർക്ക് ദാന വിവാദത്തിൽപെട്ട ഉന്നത വിദ്യാഭ്യാസ മന്ത്രി കെ ടി ജലീൽ രാജിവയ്ക്കണമെന്നാവശ്യപ്പെട്ട് കെഎസ്‌യു പ്രവർത്തകർ ജലീലിന്റെ
വളാഞ്ചേരിയിലെ വസതിയിലേക്ക് നടത്തിയ മാർച്ചിൽ സംഘർഷം. മലപ്പുറം ജില്ലാ കമ്മിറ്റിയുടെ നേതൃത്വത്തിൽ നടത്തിയ മാർച്ചിൽ
പൊലീസ് ബാരിക്കേഡ് മറികടന്ന് പ്രവർത്തകർ തള്ളിക്കയറാൻ ശ്രമിച്ചതാണ് സംഘർഷത്തിന് കാരണം.

പൊലീസ് ലാത്തി വീശിയതോടെ ചിതറി ഓടിയ പ്രവർത്തകർ പിന്നീട് സംഘടിച്ചെത്തി മുദ്രാവാക്യം വിളിച്ച് റോഡിൽ കുത്തിയിരുന്ന് പ്രതിഷേധിച്ചു. പ്രവർത്തകർ റോഡ് ഉപരോധിച്ചതോടെ കോഴിക്കോട്-തൃശൂർ ദേശീയപാതയിലൂടെയുള്ള ഗതാഗതം ഒരു മണിക്കൂറിലേറെ സമയം തടസപ്പെട്ടു. കെഎസ്‌യു സംസ്ഥാന അധ്യക്ഷൻ കെ എം അഭിജിത്താണ് മാർച്ച് ഉദ്ഘാടനം ചെയ്തത്.

story highlights- ksu, k t jaleel, protest