വയനാട് കിൻഫ്രാ പാർക്കിൽ വൻ തീപിടുത്തം; ആളപായമില്ല

വയനാട്ടിൽ കിൻഫ്രാ പാർക്കിൽ വൻ തീ പിടുത്തം. രാത്രി 8.45ഓടെയാണ് തീപിടുത്തമുണ്ടായത്. കിൻഫ്ര വ്യവസായ പാർക്കിലെ ‘വെർഗോ എക്‌സ്‌പോർട്‌സ്’ എന്ന സ്‌പോഞ്ച് നിർമാണ യൂണിറ്റിലാണ് തീപിടുത്തമുണ്ടായത്. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് സൂചന.

തീപിടുത്തത്തിൽ സ്‌പോഞ്ച് കയറ്റി കൊണ്ടിരുന്ന രണ്ട് ലോറികൾ പൂർണമായും കത്തിനശിച്ചു. തീ പടർന്നു പിടിക്കുന്നത് കണ്ടു സ്ഥലത്തുണ്ടായിരുന്ന തൊഴിലാളികൾ ഓടി മാറിയതിനാൽ ആളപായമില്ല. കൽപ്പറ്റ, സുൽത്താൻ ബത്തേരി, മാനന്തവാടി, താമരശ്ശേരി, മുക്കം, നരിക്കുനി, തുടങ്ങിയ സ്ഥലങ്ങളിലെ ഫയർഫോഴ്‌സ് യൂണിറ്റുകൾ സ്ഥലത്തെത്തിയാണ് തീയണച്ചത്. രാത്രി പത്തരയോടെയാണ് ആണ് ഈ നിയന്ത്രണ വിധേയമായത്. 8 കോടിയുടെ നാശ നഷ്ടം കണക്കാക്കുന്നു. ദേശീയപാതയുടെ സമീപത്താണ് കിൻഫ്ര വ്യവസായ പാർക്ക് സ്ഥിതി ചെയ്യുന്നത്.



‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top
More