Advertisement

നടിയെ ആക്രമിച്ച കേസ്; ഈ മാസം 19 ന് ദൃശ്യങ്ങള്‍ പരിശോധിക്കും

December 16, 2019
0 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

നടിയെ ആക്രമിച്ച കേസില്‍ ദൃശ്യങ്ങള്‍ പരിശോധിക്കാനുള്ള വിദഗ്ധന്റെ പേര് നടന്‍ ദിലീപ് കൈമാറി. ഈ മാസം 19ന് ദൃശ്യങ്ങള്‍ പരിശോധിക്കാനാണ് തീരുമാനം. കൊച്ചി പ്രത്യേക കോടതിയുടെ മേല്‍നോട്ടത്തിലാകും പരിശോധന. ഇന്ന് കേസ് പരിഗണിച്ച പ്രത്യേക വിചാരണ കോടതി മുന്‍പാകെയാണ് വിദഗ്ധന്റെ പേര് ദിലീപ് നിര്‍ദേശിച്ചത്. ഇദ്ദേഹമാണ് പ്രതിഭാഗത്തിന് വേണ്ടി പോലീസ് ശേഖരിച്ച വീഡിയോ ദൃശ്യങ്ങള്‍ പരിശോധിക്കുക.

ഈ മാസം 19ന് ദൃശ്യങ്ങള്‍ പരിശോധിക്കാനാണ് പ്രതിഭാഗത്തിന്റെ തീരുമാനം. നേരത്തെ 18ന് ദൃശ്യങ്ങള്‍ പരിശോധിക്കാന്‍ കോടതി അനുമതി നല്‍കിയെങ്കിലും ദിലീപിന്റെ അഭിഭാഷകന്‍ അസൗകര്യം അറിയിക്കുകയായിരുന്നു.  ദൃശ്യങ്ങളുടെ പകര്‍പ്പിനായി ദിലീപ് നല്‍കിയ ഹര്‍ജി തള്ളിയ സുപ്രിംകോടതി ദൃശ്യങ്ങള്‍ പരിശോധിക്കാന്‍ ദിലീപിന് അനുമതി നല്‍കുകയുണ്ടായി.

മൂന്നു വിദഗ്ധരെ അനുവദിക്കണമെന്നായിരുന്നു ദിലീപിന്റെ ആവശ്യം. എന്നാല്‍ ദിലീപിനും അഭിഭാഷകനും പുറമേ ഒരു വിദഗ്ധനെക്കൂടി അനുവദിക്കാനാണ് നിര്‍ദേശമെന്ന് പ്രോസിക്യൂഷന്‍ വാദിച്ചു. തുടര്‍ന്നു ഒരു സാങ്കേതിക വിദഗ്ധനെ അനുവദിക്കാമെന്ന് കോടതി വ്യക്തമാക്കുകയായിരുന്നു.

കേസിനായി 32 ഇലക്ട്രോണിക് ഉപകരണങ്ങളില്‍ നിന്ന് ശേഖരിച്ച ഡിജിറ്റല്‍ തെളിവുകള്‍ പരിശോധിക്കാനാണ് അനുമതി. ഈ ദൃശ്യങ്ങള്‍ അടച്ചിട്ട കോടതിമുറിയില്‍ പരിശോധിക്കാനാണ് കോടതി അനുമതി നല്‍കിയത്. ലാപ്‌ടോപ്പ്, മൊബൈല്‍ഫോണ്‍, സിസിടിവി ദൃശ്യങ്ങള്‍, ഹാര്‍ഡ് ഡിസ്‌കുകള്‍ എന്നിവയില്‍ നിന്നുള്ള തെളിവുകളാണിവ.

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement