രാജ്ഘട്ടില്‍ കോണ്‍ഗ്രസിന്റെ ധര്‍ണ; ഭരണഘടനയുടെ ആമുഖം വായിച്ച് തുടക്കം

പൗരത്വ നിയമ ഭേദഗതിക്കെതിരെ കോണ്‍ഗ്രസിന്റെ ആഭിമുഖ്യത്തില്‍ രാജ്ഘട്ടില്‍ സംഘടിപ്പിക്കുന്ന ധര്‍ണയ്ക്ക് തുടക്കമായി. കോണ്‍ഗ്രസ് അധ്യക്ഷ സോണിയാ ഗാന്ധി, രാഹുല്‍ ഗാന്ധി, പ്രിയങ്കാ ഗാന്ധി തുടങ്ങിയ നേതാക്കള്‍ ധര്‍ണയില്‍ പങ്കെടുക്കുന്നുണ്ട്. ഭരണഘടനയുടെ ആമുഖം വായിച്ചാണ് നേതാക്കള്‍ ധര്‍ണയ്ക്ക് തുടക്കമിട്ടത്.

വൈകുന്നേരം നാലോടെയാണ് രാജ്ഘട്ടില്‍ ധര്‍ണ ആരംഭിച്ചത്. ഭരണഘടന ഉയര്‍ത്തിയാണ് പ്രതിഷേധം സംഘടിപ്പിച്ചിരിക്കുന്നത്. കോണ്‍ഗ്രസിലെ മുതിര്‍ന്ന നേതാക്കള്‍ എല്ലാം തന്നെ ധര്‍ണയില്‍ പങ്കെടുക്കുന്നുണ്ട്. എ കെ ആന്റണി മലയാളത്തില്‍ ഭരണഘടനയുടെ ആമുഖം വായിച്ചു. നിരവധി യുവാക്കളും വിദ്യാര്‍ത്ഥികളും ധര്‍ണയ്ക്ക് പിന്തുണയുമായി എത്തിയിട്ടുണ്ട്. അഞ്ച് മണിക്കൂറാണ് ധര്‍ണ.