ബംഗാൾ ഗവർണർക്കെതിരെ വിദ്യാർത്ഥികളുടെ കരിങ്കൊടി പ്രതിഷേധം

പശ്ചിമബംഗാൾ ഗവർണർ ജഗ്ദീപ് ധൻഗർക്ക് നേരെ വിദ്യാർത്ഥികളുടെ കരിങ്കൊടി പ്രതിഷേധം. ജാധവ്പൂർ സർവകലാശാലയിലെ വിദ്യാർത്ഥികളാണ് ഗവർണർക്ക് നേരെ കരിങ്കൊടി കാട്ടിയത്. സർവകലാശാലയിലെ ബിരുദ ദാന ചടങ്ങിനെത്തിയതായിരുന്നു ഗവർണർ.

അതിനിടെ പൗരത്വ നിയമ ഭേദഗതിക്കെതിരായ പ്രചാരണങ്ങളും പരസ്യങ്ങളും നിർത്തിവയ്ക്കണമെന്ന് കൽക്കട്ട ഹൈക്കോടതി നിർദേശിച്ചു. സിഎഎയ്‌ക്കെതിരെ സർക്കാർ പുറത്തിറക്കിയ പരസ്യങ്ങൾ പിൻവലിക്കണമെന്നും കോടതി നിർദേശിച്ചു. ചീഫ് ജസ്റ്റിസ് തോട്ടത്തിൽ ബി രാധാകൃഷ്ണൻ അധ്യക്ഷനായ ബെഞ്ചിന്റേതാണ് നിർദേശം.

പൗരത്വ നിയമ ഭേദഗതിക്കെതിരെ പരസ്യമായി രംഗത്തുവന്ന സംസ്ഥാനങ്ങളിൽ ഒന്ന് പശ്ചിമ ബംഗാളായിരുന്നു. സിഎഎയ്ക്കും എൻആർസിക്കുമെതിരെ മുഖ്യമന്ത്രി മമത ബാനർജി തുറന്നടിച്ചിരുന്നു. പൗരത്വ നിയമം ബംഗാളിൽ നടപ്പിലാക്കില്ലെന്ന് പറഞ്ഞ മമത, തൃണമൂൽ കോൺഗ്രസിന്റെ നേതൃത്വത്തിൽ സംസ്ഥാനത്ത് പ്രതിഷേധ പ്രകടനവും സംഘടിപ്പിച്ചിരുന്നു.

story highlights- Jadavpur University, Jagdeep Dhankar, west bengal, citizenship amendment act