കേന്ദ്ര മന്ത്രി വി മുരളീധരന് നേരെ കൊച്ചിയില്‍ കരിങ്കൊടി

കേന്ദ്ര മന്ത്രി വി മുരളീധരന് നേരെ കൊച്ചിയില്‍ കരിങ്കൊടി പ്രതിഷേധം. യൂത്ത് കോണ്‍ഗ്രസ് പ്രവര്‍ത്തകരാണ് കൊച്ചിയില്‍ ഒരു സ്വകാര്യ പരിപാടിയില്‍ പങ്കെടുക്കാനെത്തിയ കേന്ദ്ര മന്ത്രിക്ക് നേരെ കരിങ്കൊടി കാണിച്ചത്.

നെടുമ്പാശേരി വിമാനത്താവളത്തില്‍ നിന്നും വരികയായിരുന്ന കേന്ദ്ര മന്ത്രിയുടെ വാഹനത്തിനു നേരെ കളമശേരി മെട്രോ സ്റ്റേഷന് സമീപത്ത് വച്ചാണ് യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചത്. പ്രതിഷേധക്കാരെ പൊലീസ് അറസ്റ്റ് ചെയ്ത് നീക്കി. പൗരത്വ നിയമ ഭേദഗതി പ്രതിഷേധങ്ങളുമായി ബന്ധപ്പെട്ട വിവാദ പരാമര്‍ശത്തെ തുടര്‍ന്ന് കോഴിക്കോടും വി മുരളീധരനു നേരെ എസ്എഫ്ഐ പ്രവര്‍ത്തകര്‍ കരിങ്കൊടി കാണിച്ചിരുന്നു

Story Highlights- V Muraleedharan, black flag,  Kochi