‘ഭരണഘടനയുടെ അന്തസത്തക്ക് ഉള്ളിൽ നിന്ന് പ്രതികരിക്കണം’; ഗവർണർക്കെതിരെ സ്പീക്കർ

ഗവർണർ ആരിഫ് മുഹമ്മദ് ഖാനെതിരെ വിമർശനവുമായി സ്പീക്കർ പി ശ്രീരാമകൃഷ്ണൻ. ഭരണഘടന പദവിയിലുള്ളവർ അതിന്റെ അന്തസത്തക്ക് ഉള്ളിൽ നിന്ന് പ്രതികരിക്കണമെന്ന് സ്പീക്കർ പറഞ്ഞു. ആ സ്വാതന്ത്ര്യത്തിന് ഉള്ളിൽ നിന്നുകൊണ്ട് പ്രതികരിക്കുന്നതാണ് ജനാധിപത്യത്തിന്റെ ഉള്ളടക്കത്തിന് നല്ലത്. ഭരണഘടന അനുവദിക്കുന്ന സ്വാതന്ത്ര്യം എല്ലാവർക്കുമുണ്ടെന്നും അദ്ദേഹം വ്യക്തമാക്കി.

പൗരത്വ നിയമത്തെ അനുകൂലിക്കുന്ന നിലപാട് കണ്ണൂരിൽ നടന്ന ചരിത്ര കോൺഗ്രസ് ഉദ്ഘാടന പ്രസംഗത്തിലും ഗവർണർ ആവർത്തിച്ചിരുന്നു. ഇതിന് പിന്നാലെയാണ് സ്പീക്കറുടെ പ്രതികരണം.