ഷോർട്ട് സർക്യൂട്ടിനെ തുടർന്ന് തീപിടിത്തം; ഗാസിയാബാദിൽ അഞ്ച് കുട്ടികൾ ഉൾപ്പെടെ വെന്തുമരിച്ചു

ഉത്തർപ്രദേശിലെ ഗാസിയാബാദിൽ വീടിനകത്ത് ഷോർട്ട് സർക്യൂട്ടിനെ തുടർന്ന് തീപിടിത്തം. അഞ്ച് കുട്ടികൾ ഉൾപ്പെടെ ആറ് പേർ വെന്തുമരിച്ചു. വീട്ടിലെ മുതിർന്ന സ്ത്രീയും കുട്ടികളുമാണ് മരിച്ചത്. ഗാസിയാബാദ് ലോനിയിലെ മൗലാന ആസാദ് കോളനിയിലാണ് സംഭവം.

പർവീൺ(40), ഫാത്തിമ(12), ഷാഹിമ(10), റാത്തിയ(8) അബ്ദുൾ അസീം(8), അബ്ദുൾ അഹദ്(5) എന്നിവരാണ് മരിച്ചത്. ഇവർ വൈദ്യുതിയേറ്റാണോ അതോ തീപ്പിടിത്തത്തിലാണോ മരിച്ചതെന്നു വ്യക്തമല്ല. വീട്ടിലെ റെഫ്രിജറേറ്റർ പൂർണ്ണമായും കത്തി നശിച്ച നിലയിലാണ്.