ഹാപ്പിയായി കെഎസ്ആർടിസി; ഡിസംബറിൽ ഓടി നേടിയത് 213 കോടി

നഷ്ടത്തിലാണെങ്കിലും ഡിസംബറിൽ കെഎസ്ആർടിസി ഓടി നേടിയത് 213 കോടി രൂപയുടെ അധിക വരുമാനം. അപൂർവമായ് മാത്രം കൈവരുന്ന നേട്ടം ഇതിന് മുൻപ് 2018 ഡിസംബറിലാണ് ഇതിനു മുൻപ് കെഎസ്ആർടിസിക്ക് നേടാനായത്.

റൂട്ട് പരിഷ്‌കരണത്തിന്റെ പേരിൽ 30 ശതമാനത്തോളം സർവീസുകൾ നിർത്തിവെച്ചിരിക്കുന്ന സാഹചര്യത്തിലാണ് 213 കോടി രൂപയുടെ നേട്ടത്തിലേക്ക് കെഎസ്ആർടിസി ഓടി എത്തിയത്. എന്നാൽ, ശബരിമല സീസൺ ഈ വരുമാനത്തിന് വലിയൊരു ഘടകമാണ്. സ്‌പെയർ പാർട്‌സും ടയറും ഇല്ലാത്തതിനെ തുടർന്ന് ആയിരത്തിലേറെ ബസുകൾ സർവീസ് നടത്തുന്നില്ല. നിലവിൽ, ലോ ഫ്‌ളോറുകൾ ഉൾപ്പെടെ 6,300 ബസുകളാണ് കെഎസ്ആർടിസിക്കുള്ളത്. ഇവയിൽ 2000ത്തോളം സർവീസുകൾ നിലവിൽ സർവീസ് നടത്തുന്നില്ല.