ന്യൂ ഇയർ പാർട്ടിക്കിടെ ലിഫ്റ്റ് തകർന്നുവീണു; ആറ് മരണം

ന്യൂ ഇയർ പാർട്ടിക്കിടെ ലിഫ്റ്റ് തകർന്നുവീണ് ആറ് പേർ മരിച്ചു. ഇൻഡോറിലാണ് സംഭവം.

വൻകിട വ്യാവസായിയായ പുനീത് അഗർവാൾ സംഘടിപ്പിച്ച ന്യൂ ഇയർ പാർട്ടിക്കിടെയാണ് അപകടമുണ്ടായത്. ഇൻഡോറിലെ പതൽപനി പ്രദേശത്ത് സ്ഥിതി ചെയ്യുന്ന ഫാം ഹൗസിലാണ് പുതുവത്സരാഘോഷങ്ങൾ സംഘടിപ്പിച്ചിരുന്നത്.

ആഘോഷത്തിനായി പുനീത് ലിഫ്റ്റിൽ താഴേക്കിറങ്ങുന്നതിനിടെ ലിഫ്റ്റ് പൊട്ടിവീഴുകയായിരുന്നു. വൈകീട്ട് 6 മണിയോടെയാണ് സംഭവമുണ്ടായത്. അപകടത്തിൽ ആറ് പേർ കൊല്ലപ്പെട്ടു. മെഷീന്റെ ബെൽറ്റ് പൊട്ടിയതാണ് അപകടത്തിന് കാരണം.

അപകടത്തിൽ നിരവധി പേർക്ക് പരുക്കേറ്റിട്ടുണ്ട്. എന്നാൽ അപകടം പറ്റിയവരുടെ പേര് വിവരങ്ങൾ പൊലീസ് പുറത്തുവിട്ടിട്ടില്ല. പരുക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്.

Story Highlights- Lift, Elevator, Accident