പുതുവർഷ ദിനത്തിൽ ശബരിമലയിലെത്തിയത് ഒരുലക്ഷം ഭക്തർ

പുതുവർഷ ദിനത്തിൽ ശബരിമലയിലെത്തിയത് ഒരുലക്ഷം ഭക്തരെന്ന് ദേവസ്വം ബോർഡ്. പമ്പയിലെ മെറ്റൽ ഡിറ്റക്ടറിൽ കൂടി ഇന്നലെ മാത്രം കടന്നു പോയത് 70,000 ഭക്ത ജനങ്ങളാണ്. ഇരുമുടി കെട്ടില്ലാതെയും 18-ാം പടി ചവിട്ടാതെയും പുല്ലുമേടുവഴി ദർശനത്തിനെത്തിയവരുടെ എണ്ണം ഇതിൽ കണക്കാക്കിയിട്ടില്ല.

പുതുവർഷപ്പിറവിയോടനുബന്ധിച്ച് സന്നിധാനത്തെ ദേവസ്വം അന്നദാന മണ്ഡപത്തിൽ ഭക്തർക്ക് വിഭവസമൃദ്ധമായ സദ്യയൊരുക്കിയിരുന്നു. ജനുവരി 14ന മകരവിളക്കിനോടനുബന്ധിച്ചുള്ള ഒരുക്കങ്ങൾ ശബരിമലയിൽ പുരോഗമിക്കുകയാണ്.