മകര സംക്രമ പൂജയ്ക്ക് ഇക്കുറി ശബരിമല നട അടയ്ക്കില്ല

മകര സംക്രമ പൂജയ്ക്ക് ഇക്കുറി ശബരിമല നട അടയ്ക്കില്ല. ദക്ഷിണായനത്തിൽ നിന്നും സൂര്യൻ ഉത്തരായനത്തിലേക്ക് പ്രവേശിക്കുന്നത് 15ന് പുലർച്ചെ രണ്ടുമണി ഒൻപത് മിനിട്ടാണ്. ഈ സമയത്താണ് സന്നിധാനത്ത് മകരസംക്രമ പൂജ നടക്കുക.

15ന് രണ്ടുമണിക്കു ശേഷം മകരസംക്രമ പൂജയും സംക്രമാഭിഷേകവും നടക്കും. തുടർന്ന് മൂന്നു മണിക്ക് അടയ്ക്കുന്ന നട നാലുമണിക്ക് വീണ്ടും തുറക്കും. ഒരു മണിക്കൂർ മാറ്റി നിർത്തിയാൽ, ജനുവരി 14ന് ഭക്തർക്ക് മുഴുവൻ സമയവും ദർശനം സാധ്യമാകും.  14ന് വൈകിട്ട് നാല് മണിക്ക് നട തുറന്നാൽ 15ന് പുലർച്ചെ മൂന്ന് മണിവരെയാണ് ചടങ്ങുകൾ. അത്താഴ പൂജയ്ക്ക് ശേഷം മകരസംക്രമ പൂജയ്ക്കുള്ള ഒരുക്കങ്ങൾ തുടരും.

Story highlight: Sabarimala,