സ്വകാര്യ വാഹനങ്ങളിൽ ബോർഡ് വയ്ക്കുന്നതിന് വിലക്കേർപ്പെടുത്തി ഹൈക്കോടതി

സ്വകാര്യ വാഹനങ്ങളിൽ ബോർഡ് വയ്ക്കുന്നതിന് വിലക്കേർപ്പെടുത്തി ഹൈക്കോടതി. ബോർഡുകൾ പ്രദർശിപ്പിക്കുന്നത് മോട്ടോർ വാഹന നിയമത്തിന്റെ ലംഘനമാണെന്ന് കോടതി നിരീക്ഷിച്ചു.

സംസ്ഥാന മനുഷ്യാവകാശ സംരക്ഷണ സമിതി സമർപ്പിച്ച ഹർജി പരിഗണിച്ചാണ് ഹൈക്കോടതി ഉത്തരവ്. സ്വകാര്യ സ്ഥാപനങ്ങൾക്കും രാഷ്ട്രീയ പാർട്ടികൾക്കും വിധി ബാധകമാണ്. സർക്കാർ സ്ഥാപനങ്ങളുടെ ഒഴികെ മറ്റ് വാഹനങ്ങളിൽ ബോർഡുകൾ വയ്‌ക്കെരുതെന്നാണ് നിർദേശം.