ഇറാഖിലെ യുഎസ് നയതന്ത്ര കാര്യാലയത്തിനു നേരെ വീണ്ടും ആക്രമണം

ഇറാഖിലെ ബാഗ്ദാദിൽ വീണ്ടും ആക്രമണം. അമേരിക്കൻ നയതന്ത്രകാര്യാലയം സ്ഥിതിചെയ്യുന്ന ഗ്രീൻ സോണിൽ റോക്കറ്റ് ആക്രമണം ഉണ്ടായതായി വാർത്താ ഏജൻസിയായ എഎഫ്പി റിപ്പോർട്ട് ചെയ്തു.

ബുധനാഴ്ച അർധരാത്രിയോടെ അമേരിക്കൻ എംബസിയും മറ്റും സ്ഥിതിചെയ്യുന്ന ഗ്രീൻ സോണിൽ രണ്ട് റോക്കറ്റുകൾ പതിച്ചതായി ഇറാഖ് സൈന്യം സ്ഥിരീകരിച്ചു. ഇറാനിലെ യുഎസ് സൈനിക താവളങ്ങളായ ഇർബിൽ, അൽ അസദ് ആക്രമണത്തിൽ ആൾ നാശമുണ്ടായില്ലെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പ്രതികരണത്തിന് മണിക്കൂറുകൾക്ക് ശേഷമാണ് ആക്രമണമുണ്ടായത്. എന്നാൽ, ഗ്രീൻ സോണിലുണ്ടായ ആക്രമണത്തെക്കുറിച്ച് വൈറ്റ് ഹൗസും പെന്റഗണും പ്രതികരിച്ചിട്ടില്ല.