ജമ്മു കശ്മീരിൽ ഏറ്റുമുട്ടൽ; സുരക്ഷാ സേന രണ്ട് ഭീകരരെ വധിച്ചു

ജമ്മു കശ്മീരിലെ ത്രാലിൽ ഭീകരരും സുരക്ഷാ സേനയും തമ്മിലുണ്ടായ ഏറ്റുമുട്ടലിൽ രണ്ട് ഭീകരരെ വധിച്ചു. പുൽവാമ ജില്ലയിലെ ത്രാലിൽ പുലർച്ചയോടെയാണ് ഏറ്റുമുട്ടൽ നടന്നത്.

ഭീകരർ ഒളിച്ചിരിക്കുന്നുവെന്ന രഹസ്യ വിവരത്തിന്റെ അടിസ്ഥാനത്തിൽ സേന നടത്തിയ തിരച്ചൽ ഏറ്റുമുട്ടലിൽ അവസാനിക്കുകയായിരുന്നു. ഭീകരർ ആദ്യം വെടി ഉതിർക്കുകയായിരുന്നുവെന്ന് സേന അറിയിച്ചു. പ്രദേശത്ത് ഭീകരർക്കായി തിരച്ചിൽ തുടരുകയാണ്.