ഗുഡിയ ബലാത്സംഗ കേസ്; പ്രതികൾ കുറ്റക്കാർ; ശിക്ഷാവിധി ഈ മാസം 30ന്

അഞ്ച് വയസുകാരിയെ തട്ടികൊണ്ടുപോയി ബലാത്സംഗം ചെയ്ത കേസിൽ പ്രതികൾ കുറ്റക്കാരാണെന്ന് ഡൽഹി കാർക്കർഡൂമ പോക്സോ കോടതി. 2013ൽ ഡൽഹിയിലാണ് കേസിനാസ്പദമായ സംഭവം നടന്നത്. ഈ കേസ് ഗുഡിയ ബലാത്സംഗ കേസ് എന്ന പേരിലാണ് അറിയപ്പെട്ടത്. ശിക്ഷ ഈ മാസം 30ന് വിധിക്കും.

മനോജ് ഷാ, പ്രദീപ് കുമാർ എന്നീ പ്രതികളെയാണ് കോടതി കുറ്റക്കാരാണെന്ന് കണ്ടെത്തിയത്. 2013 ഏപ്രിൽ 15 നായിരുന്നു കേസിനാസ്പദമായ സംഭവം. അഞ്ച് വയസുകാരിയെ തട്ടികൊണ്ടുപോയി പ്രതികൾ ക്രൂര ബലാത്സംഗത്തിന് ഇരയാക്കി.

സംഭവ ശേഷം മരിച്ചെന്ന് കരുതി കുട്ടിയെ പ്രതികൾ ഉപേക്ഷിച്ചിരുന്നു. എന്നാൽ ഏപ്രിൽ 17ന് കുട്ടിയെ അബോധാവസ്ഥയിൽ കണ്ടെത്തി. ആശുപത്രിയിൽ പ്രവേശിപ്പിച്ച പെൺകുട്ടിയെ മൂന്ന് ശസ്ത്രക്രിയകൾക്ക് വിധേയയാക്കിയിരുന്നു.

story highlights- gudiya rape case, karkardooma court