നിർഭയ കേസ് പ്രതി അക്ഷയ് കുമാർ സമർപ്പിച്ച ഹർജി കോടതി നാളെ പരിഗണിക്കും

വധശിക്ഷക്കെതിരെ നിർഭയക്കേസ് പ്രതി അക്ഷയ് കുമാർ സിംഗ് സമർപ്പിച്ച തിരുത്തൽ ഹർജി സുപ്രീംകോടതി നാളെ പരിഗണിക്കും. ജസ്റ്റിസ് എൻ.വി. രമണ അധ്യക്ഷനായ അഞ്ചംഗ ബെഞ്ച് ഉച്ചയ്ക്ക് ഒരു മണിക്ക് ചേംബറിലാണ് ഹർജി പരിഗണിക്കുന്നത്.

നേരത്തെ പുനഃപരിശോധനാ ഹർജി തള്ളിയ മൂന്ന് ജഡ്ജിമാരും ബെഞ്ചിൽ അംഗങ്ങളാണ്. ജനവികാരം കണക്കിലെടുത്താണ് വധശിക്ഷ വിധിച്ചതെന്ന് അക്ഷയ് കുമാറിന്റെ ഹർജിയിൽ ആരോപിച്ചു.

പ്രതികളായ മുകേഷ് സിംഗിന്റെയും വിനയ് ശർമയുടെയും തിരുത്തൽ ഹർജികൾ നേരത്തെ തള്ളിയിരുന്നു.

Story Highlights- Nirbhaya