ചൈനയില്‍ നിന്ന് ഡല്‍ഹിയില്‍ എത്തിയ വിദ്യാര്‍ത്ഥികള്‍ക്ക് മതിയായ സൗകര്യങ്ങളില്ലെന്ന് പരാതി

കൊറോണ വൈറസ് ഭീതിയെത്തുടര്‍ന്ന് ചൈനയില്‍ നിന്ന് ഡല്‍ഹിയിലെത്തിയ വിദ്യാര്‍ത്ഥികള്‍ക്ക് മതിയായ സൗകര്യങ്ങള്‍ ഒരുക്കിയിട്ടില്ലെന്ന് പരാതി. വുഹാനില്‍ നിന്ന് എത്തിയ വിദ്യാര്‍ത്ഥികളെ പാര്‍പ്പിച്ചിരിക്കുന്ന അതേ സ്ഥലത്ത് തന്നെയാണ് ചൈനയിലെ മറ്റ് ഭാഗങ്ങളില്‍ നിന്നെത്തിയ ഇന്ത്യക്കാരെയും താമസിപ്പിക്കുന്നത്.

രോഗ ലക്ഷണങ്ങളുള്ളവരെയും ഇല്ലാത്തവരെയും ഒരുമിച്ച് താമസിപ്പിക്കുന്നത് മതിയായ സംവിധാനങ്ങളില്ലാതെയാണെന്ന് ചൈനയിലെ ഇച്ചാംഗില്‍ നിന്നെത്തിയ മലയാളി വിദ്യാര്‍ത്ഥി ഷഹാസ് ട്വന്റിഫോറിനോട് പറഞ്ഞു. നിരവധി പേര്‍ ഒരുമിച്ച് ഭക്ഷണം കഴിക്കുന്നതും ശുചിമുറി ഉപയോഗിക്കേണ്ടി വരുന്നതും രോഗം പടരാനുള്ള സാധ്യത കൂട്ടുമെന്ന് ഇവര്‍ പറയുന്നു.

Story Highlights: coronavirus, Corona virus infection