നടക്കാവ് ക്ഷേത്രത്തിലെ വെടിക്കെട്ടപകടം: കേസ് ഹൈക്കോടതി ഇന്ന് പരിഗണിക്കും

തൃപ്പൂണിത്തുറ നടക്കാവ് ഭഗവതി ക്ഷേത്രത്തിലെ വെടിക്കെട്ടപകടവുമായി ബന്ധപ്പെട്ട കേസ് ഹൈക്കോടതി ഇന്ന് പരിഗണിക്കും. വെടിക്കെട്ടുമായി ബന്ധപ്പെട്ട് ഒരു കോടിയുടെ ഇന്‍ഷുറന്‍സ് ഉണ്ടെന്ന് ക്ഷേത്ര സമിതി കോടതിയെ അറിയിച്ചതിനെ തുടര്‍ന്ന് ഇന്‍ഷുറന്‍സിന്റെ സാധുത പരിശോധിക്കാന്‍ കോടതി നിര്‍ദേശം നല്‍കിയിരുന്നു.

വെടിക്കെട്ട് സുരക്ഷാ നിര്‍ദേശം പാലിച്ചല്ല നടത്തിയതെന്ന് എഡിഎം ഹൈക്കോടതിയില്‍ റിപ്പോര്‍ട്ട് സമര്‍പ്പിച്ചിരുന്നു. നൂറുമീറ്റര്‍ അകലം പാലിക്കണമെന്ന കോടതി ഉത്തരവും പരിഗണിച്ചില്ലെന്നും റിപ്പോര്‍ട്ടില്‍ പറയുന്നുണ്ട്. കോടതി നിര്‍ദേശ പ്രകാരം നടക്കാവ് ക്ഷേത്രത്തിലെ വെടിക്കെട്ട് അപകടത്തെക്കുറിച്ചു അഡിഷണല്‍ ജില്ലാ മജിസ്‌ട്രേറ്റാണ് റിപ്പോര്‍ട്ട് നല്‍കിയത്.

Story Highlights: kerala high court