കൊറോണ; മരണം 1486 ആയി

കൊറോണ വൈറസ് ബാധിച്ച് മരിച്ചവരുടെ എണ്ണം 1,486 ആയി. രോഗം സ്ഥിരീകരിച്ച വുഹാൻ ഉൾപ്പെടുന്ന ഹുബൈ പ്രവിശ്യയിൽ ഇന്നലെ മാത്രം രോഗം ബാധിച്ച് മരിച്ചത് 116 പേരാണ്.

ചൈനയിൽ ഇതുവരെ രോഗം ബാധിച്ച് മരിച്ചത് 1483 പേരാണ്. ഇതിൽ 1483 പേരും ഹുബൈ പ്രവിശ്യയിലുള്ളവരാണ്. ഹോങ്കോങിലും ഫിലിപ്പീൻസിലും ജപ്പാനിലും ഒരോ കൊറോണ മരണം റിപ്പോർട്ട് ചെയ്തിരുന്നു. ഹുബൈയിൽ ഇന്നലെ 4823 പേർക്ക് പുതുതായി രോഗം സ്ഥിരീകരിച്ചിട്ടുണ്ട്. ഇതോടെ ഹുബൈയിൽ കൊറോണ സ്ഥിരീകരിച്ചവരുടെ എണ്ണം 51,986 ആയി. ഇതിൽ 36,719 പേർ ആശുപത്രിയിൽ ചികിത്സയിലുണ്ട്. ഇവരിൽ 1,685 പേരുടെ നില ഗുരുതരമാണ്. 4131 പേർ രോഗം ഭേദമായി ആശുപത്രി വിട്ടതായും ചൈനീസ് ആരോഗ്യ മന്ത്രാലയം അറിയിച്ചു.

Read Also : കൊറോണ വൈറസ് ; ജപ്പാനില്‍ ആദ്യമരണം റിപ്പോര്‍ട്ട് ചെയ്തു

അതേസമയം, കൊറോണ വൈറസ് വ്യാപനത്തിന്റെ പശ്ചാത്തലത്തിൽ കേരളത്തിൽ 2397 പേർ നിരീക്ഷണത്തിലാണെന്ന് ആരോഗ്യ വകുപ്പ് അറിയിച്ചു. രോഗം സ്ഥിരീകരിച്ച് ആലപ്പുഴ മെഡിക്കൽ കോളജിൽ ചികിത്സയിലായിരുന്ന വിദ്യാർത്ഥിയെ ആരോഗ്യനില തൃപ്തികരമായതിനെ തുടർന്ന് ഡിസ്ചാർജ് ചെയ്തു. 122 പേരെ വീട്ടിലെ നിരീക്ഷണത്തിൽ നിന്നും ഒഴിവാക്കിയതായും ആരോഗ്യ വകുപ്പ് അറിയിച്ചു.

Story Highlights- Corona Virus