അലൻ ഷുഹൈബിനെ പരീക്ഷയെഴുതുന്നതിനായി കണ്ണൂരിലെത്തിച്ചു

എപിഎ ചുമത്തി അറസ്റ്റിലായ അലൻ ഷുഹൈബിനെ പരീക്ഷയെഴുതുന്നതിനായി കണ്ണൂരിലെത്തിച്ചു. അലൻ പഠിക്കുന്ന പാലയാട് സ്‌കൂൾ ഓഫ് ലീഗൽ സ്റ്റഡീസിൽ ഉച്ചയ്ക്ക് ഒന്നര മുതൽ നാലര വരെയാണ് പരീക്ഷ. തൃശൂർ വിയൂരിലെ അതീവ സുരക്ഷ ജയിലിൽ റിമാൻഡിൻ കഴിയുന്ന അലനെ പ്രത്യേക വാഹനത്തിലാണ് പരീക്ഷ എഴുതാൻ കൊണ്ടുവന്നത്.

രണ്ടാം സെമസ്റ്റർ നിയമ പരീക്ഷയാണ് എഴുതുന്നത്. പരീക്ഷയ്ക്ക് ശേഷം അലനെ തിരിച്ച് വിയൂരിലേക്ക് കൊണ്ടു പോകും. ഈ മാസം 20, 24, 26, 28 തീയതികളിലാണ് മറ്റ് പരീക്ഷകൾ. പരീക്ഷ എഴുതാൻ തടസമില്ലെന്ന് ഹൈക്കോടതിയും സർവകലാശാലയും നിലപാട് എടുത്തതോടെയാണ് അലനെ കണ്ണൂരിലേക്ക് കൊണ്ടുവന്നത്.

Story highlight: Alan shuhaib, exam

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top