കൊറോണ ലക്ഷണം; റിമാൻഡ് പ്രതി ഐസൊലേഷൻ വാർഡിൽ

കൊറോണ രോഗ ലക്ഷണങ്ങളെ തുടർന്ന് റിമാൻഡ് പ്രതിയെ ഐസൊലേഷൻ വാർഡിൽ പ്രവേശിപ്പിച്ചു. കാസർഗോഡ് ജില്ലാ ആശുപത്രിയിലാണ് പ്രതിയുള്ളത്. മലേഷ്യയിൽ നിന്ന് എത്തിയ ശേഷം ഇയാളെ പിടികൂടുകയും റിമാൻഡ് ചെയ്യുകയുമായിരുന്നു. പോക്‌സോ കേസിലാണ് ഇയാളെ അറസ്റ്റ് ചെയ്തത്.

അതേസമയം, കോട്ടയം മെഡിക്കൽ കോളജിൽ ചികിത്സയിലുള്ള ഒരാളുടെ നില അതീവ ഗുരുതരമാണെന്ന് റിപ്പോർട്ടുണ്ട്. മറ്റുള്ളവരുടെ നില തൃപ്തികരമാണ്. പത്തനംതിട്ടയിൽ പരിശോധനക്കയച്ച 12 പേരുടെ സാമ്പിളുകളുടെ ഫലം വൈകിട്ടോടെ ലഭിക്കും. നിലവിൽ സാമ്പിൾ ആലപ്പുഴയിലേക്കാണ് അയക്കുന്നത്. രണ്ട് മെഡിക്കൽ കോളജുകൾക്ക് കൂടി പരിശോധനയ്ക്കുള്ള അംഗീകാരം ലഭിച്ചിട്ടുണ്ട്.

സംസ്ഥാനത്ത് ഇതുവരെ പതിനാല് പേർക്കാണ് കൊറോണ സ്ഥിരീകരിച്ചിരിക്കുന്നത്. പത്തനംതിട്ടയിൽ ഏഴും കോട്ടയത്ത് നാലും എറണാകുളത്ത് മൂന്ന് പേർക്കുമാണ് രോഗം സ്ഥിരീകരിച്ചിരിക്കുന്നത്. സംസ്ഥാനത്ത് നിരീക്ഷണത്തിൽ കഴിയുന്നവരുടെ എണ്ണം 1495 പേരായെന്ന് ആരോഗ്യമന്ത്രി കെ കെ ശൈലജ അറിയിച്ചു. ഇവരിൽ 259 പേർ ആശുപത്രിയിലാണ്. വൈറസ് ബാധയുടെ പശ്ചാത്തലത്തിൽ ആളുകൾ കൂടുന്നയിടങ്ങൾ ഒഴിവാക്കാൻ സർക്കാർ നിർദേശം നൽകിയിട്ടുണ്ട്.

story highlights- corona virus, kasaragod, isolation ward

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top