കൊവിഡ് 19 : തൃശൂര്‍ ജില്ലയില്‍ 12462 പേര്‍ നിരീക്ഷണത്തില്‍

കൊവിഡ് വൈറസ് പ്രതിരോധത്തിന്റെ ഭാഗമായി തൃശൂര്‍ ജില്ലയില്‍ 12462 പേര്‍ നിരീക്ഷണത്തില്‍. 12425 പേര്‍ വീടുകളിലും 37 പേര്‍ ആശുപത്രികളിലുമാണ് നിരീക്ഷണത്തിലുളളത്. 11 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗമില്ലെന്ന സ്ഥിരീകരിച്ച മൂന്ന് പേരെ ഇന്ന് ഡിസ്ചാര്‍ജ്ജ് ചെയ്തു. ഇന്ന് പുറത്ത് വന്ന അഞ്ച് പരിശോധനാ ഫലങ്ങളും നെഗറ്റീവാണ്.

31 പേരുടെ സാമ്പിളുകള്‍ ഇന്ന് പരിശോധനയ്ക്ക് അയച്ചു. ഇതുവരെ 512 പേരുടെ സാമ്പിളുകളാണ് ആകെ പരിശോധനയ്ക്ക് അയച്ചത്. ഇതില്‍ 438 എണ്ണത്തിന്റെയും ഫലം ലഭിച്ചു. 74 പേരുടെ ഫലം ലഭിക്കാനുണ്ട്.

Story Highlights- coronavirus, covid 19