സൗദിയിൽ കൊവിഡ് ബാധിച്ച് മലപ്പുറം സ്വദേശി മരിച്ചു

സൗദി അറേബ്യയിൽ കൊവിഡ് ബാധിച്ച് മലപ്പുറം സ്വദേശി മരിച്ചു. തിരൂരങ്ങാടി ചെമ്മാട് സ്വദേശി സ്വദേശി നടമ്മൽ പുതിയകത്ത് സഫ്‌വാൻ (37) ആണ് മരിച്ചത്. ശനിയാഴ്ച രാത്രിയോടെ മരണം സംഭവിച്ചത്

റിയാദിൽ ടാക്‌സി ഡ്രൈവറായിരുന്നു സഫ്‌വാൻ. 10 ദിവസം മുമ്പാണ് പനി ബാധിച്ചത്. തുടർന്ന് അഞ്ചുദിവസമായി റിയാദിലെ സൗദി ജർമൻ ആശുപത്രിയിൽ ചികിത്സയിലായിരുന്നു. സഫ്‌വാന് ഹൃദയ സംബന്ധമായ രോഗങ്ങളും ഉണ്ടായിരുന്നതായാണ് ബന്ധുക്കൾ അറിയിച്ചത്. അസുഖങ്ങൾ കാരണം ആശുപത്രിയിലാണെന്നായിരുന്നു ബന്ധുക്കൾക്ക് ലഭിച്ചിരുന്ന വിവരം. മരണ ശേഷമാണ് കൊവിഡ് സ്ഥിരീകരിച്ചിരുന്ന വിവരം നാട്ടിലെ ബന്ധുക്കൾ അറിഞ്ഞത്.

സന്ദർശക വിസയിൽ മാർച്ച് എട്ടിന് റിയാദിലെത്തിയ ഭാര്യ ഖമറുന്നിസ ഒപ്പമുണ്ടായിരുന്നു. ഇവരും ഇപ്പോൾ നിരീക്ഷണത്തിലാണ്.