കൊവിഡ് നിരീക്ഷണത്തിന് മുറിയെടുത്ത ആരോഗ്യപ്രവർത്തകർക്ക് അധിക്ഷേപം; കണ്ണൂരിലെ റിസോർട്ടിനെതിരെ പരാതി

കണ്ണൂരിൽ ആരോഗ്യപ്രവർത്തകർക്ക് നേരെ അധിക്ഷേപം. കണ്ണൂർ മസ്‌കോട്ട് ബീച്ച് റിസോർട്ട് അധികൃതർ അധിക്ഷേപിച്ചതായാണ് പരാതി.

പതിനാല് ദിവസത്തെ നിരീക്ഷണത്തിനായി മുറിയെടുത്ത ആരോഗ്യപ്രവർത്തകരെയാണ് റിസോർട്ട് അധികൃതർ അധിക്ഷേപിച്ചതായി പരാതി ഉയർന്നിരിക്കുന്നത്. ഐസൊലേഷൻ വാർഡിൽ ഉൾപ്പെടെ ജോലി ചെയ്ത20 അംഗ സംഘമാണിവർ. കുടിവെള്ളം നൽകില്ലെന്ന് റിസോർട്ട് ജീവനക്കാർ പറഞ്ഞതായി ആരോഗ്യപ്രവർത്തകർ പറയുന്നു.

ആരോഗ്യപ്രവർത്തകരെ മറ്റൊരു ഹോട്ടലിലേയ്ക്ക് മാറ്റി. സംഭവത്തിൽ ആശുപത്രി സൂപ്രണ്ട് കളക്ടർക്ക് പരാതി നൽകി.