മലപ്പുറം കീഴാറ്റൂരിൽ കൊവിഡ് സ്ഥിരീകരിച്ച 85 കാരന്റെ മകന് വൈറസ് ബാധയില്ലെന്ന് പരിശോധനാ ഫലം

മലപ്പുറം കീഴാറ്റൂരിൽ രോഗബാധ സ്ഥിരീകരിച്ച 85 കാരന്റെ ഉംറ കഴിഞ്ഞെത്തിയ മകന് കൊവിഡ് ബാധയില്ലെന്ന് പരിശോധനാ ഫലം. രോഗബാധ മകനിൽ നിന്നാണ് പിതാവിന് പകർന്നതന്നായിരുന്നു ആരോഗ്യ വകുപ്പിന്റെ നിഗമനം.

മുൻപ് വൈറസ് ബാധിതനായ ശേഷം ലക്ഷണങ്ങളില്ലാതെ തന്നെ മകൻ രോഗമുക്തനായതാകാമെന്നാണ് ആരോഗ്യ വകുപ്പിന്റെ നിഗമനം. ഇത് കണ്ടെത്തുന്നതിനായി കൂടുതൽ പരിശോധനകൾ നടത്തുമെന്ന് ജില്ലാ മെഡിക്കൽ ഓഫീസർ അറിയിച്ചു. പരിശോധനകൾ പൂർത്തിയാകുന്നതുവരെ മകനെ മഞ്ചേരി ഗവൺമെന്റ് മെഡിക്കൽ കോളജ് ആശുപത്രിയിലെ ഐസൊലേഷനിൽ തുടരും. വൈറസ് ബാധിതനായ 85 കാരനായ പിതാവ് മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിൽ തുടരുകയാണ്.