ഭിന്നശേഷിക്കാര്ക്കായി ടെലിറീഹാബിലിറ്റേഷന് സൗകര്യവുമായി കോഴിക്കോട് ജില്ലാ ഭരണകൂടം
കൊവിഡ് പ്രത്യേക സാഹചര്യം കണക്കിലെടുത്ത് ഭിന്നശേഷിക്കാരുടെ തുടര് പരിശീലനവും കരുതലും ഉറപ്പു വരുത്തുന്നതിനായി വിവിധ റിഹാബിലിറ്റേഷന് പ്രൊഫഷണലുകളെ ഏകോപിപ്പിച്ചു കൊണ്ട് കോഴിക്കോട് ജില്ലാഭരണകൂടത്തിന്റെയും ജില്ലാ സാമൂഹ്യനീതി വകുപ്പിന്റെയും, CDMRP യുടെയും നേതൃത്വത്തില് ഒരു ടെലി റിഹാബ് ടീമിനെ തയാറാക്കി.
ക്ലിനിക്കല് സൈക്കോളജിസ്റ്റ്, റിഹാബ് സൈക്കോളജിസ്റ്റ്, ബിഹൈവിയര് ആന്ഡ് ഡവലപ്മെന്റല് തെറാപ്പിസ്റ്റ്, സ്പീച്ച് തെറാപിസ്റ്റ്, സ്പെഷ്യല് എഡ്യുക്കേറ്റേര്സ്, ഒക്യുപേഷണല് തെറാപ്പിസ്റ്റ് , ഫിസിയോ തെറാപ്പിസ്റ്റ് എന്നിവരടങ്ങുന്നതാണ് നിലവിലെ ടെലി റിഹാബ് ടീം. രക്ഷിതാക്കള്ക്ക് ഫോണ് മുഖേന വിവിധ തെറാപ്പിസ്റ്റുകള നേരിട്ട് വിളിച്ച് സംസാരിക്കാവുന്നതാണ് തെറാപ്പിസ്റ്റുകളുടെ നിര്ദേശങ്ങള് വീട്ടില് പ്രാക്ടീസ് ചെയ്യുകയും തെറാപ്പിയുടെ തുടര്ച്ച രക്ഷിതാക്കള് തന്നെ ഉറപ്പു വരുത്തേണ്ടതുമാണ്
ബുദ്ധി വികാസ വൈകല്യം, ഓട്ടിസം, എഡിഎച്ച്ഡി, സെറിബ്രല് പാള്സി, ഡൗണ് സിഡ്രം, സംസാര വൈകല്യം, ശാരീരിക വൈകല്യം, പഠന വൈകല്യം എന്നീ അവസ്ഥകളിലുള്ള കുട്ടികള്ക്കും ലോക്ക്ഡൗണ് സമയത്ത് വീട്ടില് തന്നെ ആയതു കാരണം ഉണ്ടാകാവുന്ന മറ്റ് സ്വഭാവ പെരുമാറ്റ പ്രശ്നങ്ങള്ക്കുമുള്ള പരിഹാര നിര്ദേശങ്ങളാണ് ടെലി റിഹാബിലൂടെ ലഭ്യമാവുന്നത്.
രക്ഷിതാക്കള് കുട്ടികള്ക്കാവശ്യമായ വ്യത്യസ്ത നിര്ദേശങ്ങള്ക്കായി വിളിക്കേണ്ട വിദഗ്ധരുടെ വിഭാഗവും, സമയവും പ്രസിദ്ധീകരിച്ചിട്ടുണ്ട്. നിശ്ചിത സമയങ്ങളില് വിളിക്കാവുന്നതാണ്. കൂടാതെ കുട്ടികള്ക്ക് ആവശ്യമായ പരിശീലനങ്ങള് വീട്ടില് തന്നെ നല്ക്കുന്നതിനാവശ്യമായ നിര്ദ്ദേശങ്ങള് അടങ്ങിയ മാര്ഗരേഖകളും വ്യത്യസ്ത വീഡിയോകളും ടെലി റിഹാബിന്റെ തുടര്ച്ചയെന്നോണം ലഭ്യമായി കൊണ്ടിരിക്കുന്നതാണ്.
Story Highlights: coronavirus,
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here