ലോക്ക് ഡൗണിൽ അരി ലഭിക്കുന്നില്ല; രാജവെമ്പാലയെ ഭക്ഷണമാക്കി യുവാക്കൾ; കേസ്

ലോക്ക് ഡൗണിൽ ഭക്ഷ്യധാന്യങ്ങൾ ലഭിക്കാൻ ബുദ്ധിമുട്ട് നേരിട്ടതോടെ രാജവെമ്പാലയെ ഭക്ഷണമാക്കി യുവാക്കൾ. അരുണാചൽ പ്രദേശിലാണ് സംഭവം. ഭക്ഷണമാക്കാൻ പിടികൂടിയ 12 അടി നീളമുള്ള രാജവെമ്പാലയുമൊത്ത്​ നിൽക്കുന്ന യുവാക്കളുടെ വീഡിയോ​ കഴിഞ്ഞ ദിവസം പുറത്തുവന്നിരുന്നു.

ലോക്ക്​ ഡൗൺ മൂലം പണിക്ക്​ പോകാതായതോടെ വീട്ടിൽ സൂക്ഷിച്ചിരുന്ന അരിയും മറ്റ്​ ധാന്യങ്ങളും കഴിഞ്ഞുവെന്നും അതുകൊണ്ടാണ്​ വേട്ടക്കിറങ്ങിയത്​ എന്നുമാണ് യുവാക്കൾ വീഡിയോയിൽ വിശദീകരിച്ചത്​. വീഡിയോ വൈറലായതോടെ യുവാക്കൾക്കെതിരെ വന്യജീവി സംരക്ഷണ നിയമ പ്രകാരം കേസെടുത്തു. യുവാക്കൾ ഒളിവിലാണ്.

അരുണാചൽ പ്രദേശിൽ രാജവെമ്പാലയെ വംശനാശ ഭീഷണി നേരിടുന്ന ജീവികളുടെ പട്ടികയിലാണ് ഉൾപ്പെടുത്തിയിരിക്കുന്നത്. ഇതിനെ കൊന്നാൽ ജാമ്യമില്ലാ വകുപ്പ് പ്രകാരമാണ് കേസെടുക്കുക.

Story highlights-Arunachal,lockdown