ചലച്ചിത്ര പ്രേമികള്‍ക്കായി സംവിധായകന്‍ ഡോ.ബിജു അസാപ് വെബ്ബിനാറിലൂടെ സംവദിക്കുന്നു

തൊഴില്‍നൈപുണ്യപരിശീലന പദ്ധതിയായ അസാപിന്റെ വെബ്ബിനാറിലൂടെ സംവിധായകന്‍ ഡോ. ബിജു സംവദിക്കുന്നു. കമ്യൂണിറ്റി സ്‌കില്‍ പാര്‍ക്ക് ചെറിയകലവൂരിന്റെഡിജിറ്റല്‍ പ്ലാറ്റ്‌ഫോമിലെ വെബ്ബിനാറിലൂടെയാണ് ഡോ.ബിജു ‘സാങ്കേതികത, നൈപുണ്യം,സിനിമ’ എന്ന വിഷയത്തില്‍സംവദിക്കുന്നത്.

ചലച്ചിത്ര മേഖലയിലേക്ക് കടന്നു വരാന്‍ ആഗ്രഹിക്കുന്നവര്‍ നേടേണ്ടനൈപുണ്യം വിശദമാക്കുന്ന ഈ വെബ്ബിനാറില്‍ തത്സമയം സംവദിക്കുവാനും അവസരമുണ്ട്. നാളെ രാവിലെ 11.30 മുതല്‍ 12.30 വരെയാണ്http://skillparkkerala.in/csp-cheriya-kalavoor/എന്ന വെബ്‌സൈറ്റിലൂടെയാണ് സംവാദം സംഘടിപ്പിച്ചിരിക്കുന്നത്.

വിശദ വിവരങ്ങള്‍ക്ക് അസാപ് ആലപ്പുഴ ഫേസ്ബുക് പേജ് സന്ദര്‍ശിക്കുക. ഹെല്പ് ലൈന്‍ നമ്പര്‍: 8129617800. പരിപാടിയില്‍ പങ്കെടുക്കുവാന്‍ മൊബൈലിലോ കമ്പ്യൂട്ടറിലോ സിസ്‌കോ വെബ്ക്‌സ് മീറ്റിംഗ്‌സ് എന്ന ആപ്പ് ഗൂഗിള്‍ പ്ലേ സ്റ്റോറിലൂടെ ഡൗണ്‍ലോഡ് ചെയ്യേണ്ടതാണ്.