ആരാധനാലയങ്ങൾക്കും പരീക്ഷ എഴുതുന്ന വിദ്യാർത്ഥികൾക്കും ഞായറാഴ്ചത്തെ ലോക്ക് ഡൗണിൽ ഇളവ്

ഞായറാഴ്ചത്തെ സമ്പൂർണ ലോക്ക് ഡൗൺ നിയന്ത്രണങ്ങൾക്ക് ഇളവുകൾ പ്രഖ്യാപിച്ചു. ഇതനുസരിച്ച് ആരാധനാലയങ്ങൾക്കും പരീക്ഷ എഴുതുന്ന വിദ്യാർത്ഥികൾക്കും ഇളവുകൾ പ്രഖ്യാപിച്ചുകൊണ്ട് പൊതുഭരണ വകുപ്പ് ഉത്തരവിറക്കി.

സംസ്ഥനത്ത് ജൂൺ 8 മുതൽ ആരാധാനാലയങ്ങളിലെ പ്രാർത്ഥനയ്ക്കുള്ള നിയന്ത്രണങ്ങൾ നീക്കിയിരുന്നു. ഞായറാഴ്ച ക്രിസ്ത്യൻ ദേവാലയങ്ങളിൽ പ്രാർഥനകൾ നടന്നിരുന്നു. നാളെ ചില പരീക്ഷകളും നടക്കുന്നുണ്ട്. ഈ സാഹചര്യങ്ങളിൽ ഞായറാഴ്ചത്തെ സമ്പൂർണ ലോക്ക് ഡൗണിൽ ആശയകുഴപ്പമുണ്ടായതിനെ തുടർന്നാണ് ആരാധനാലയങ്ങളിലേക്ക് പോകുന്നവർക്കും പരീക്ഷക്ക് പോകുന്നവർക്കും സമ്പൂർണ ലോക്ക് ഡൗണിൽ ഇളവ് നൽകിക്കൊണ്ടുള്ള ഉത്തരവ് ഇറക്കിയത്.

അതേസമയം, കടകൾ തുറക്കുന്നതിനും അത്യാവശ്യമല്ലാത്ത യാത്രകൾക്കും ഇളവ് ലഭിക്കുന്നതല്ല.

Story highlight:Sunday Lockdown concession