കശ്മീരിൽ നിന്ന് കാണാതായ സൈനികനെ തീവ്രവാദികൾ തട്ടിക്കൊണ്ടുപോയതെന്ന് സംശയം

കശ്മീരിൽ നിന്ന് കാണാതായ സൈനികനെ തീവ്രവാദികൾ തട്ടിക്കൊണ്ടുപോയതെന്ന് സംശയം. 162 ബറ്റാലിയണിലെ റൈഫിൾമാനായ ഷാക്കിർ മൻസൂറിനെയാണ് കാണാതായത്. പെരുന്നാൾ പ്രമാണിച്ച് അവധിക്കായി സ്വദേശമായ ശോപിയാനിലേക്ക് പോയതാണ് ഷാക്കിർ മൻസൂർ.

ഷാക്കിറിന്റെ കാറ് കത്തിയ നിലയിൽ കുൽഗാമിൽ നിന്ന് കണ്ടെത്തിയിട്ടുണ്ടെന്ന് ‘ടെററിസം ഫ്രീ കശ്മീർ’ എന്ന ഹാഷ്ടാഗോടെ സൈന്യം ട്വീറ്റ് ചെയ്തു. സൈനികനെ തീവ്രവാദികൾ തട്ടിക്കൊണ്ടുപോയതായി സംശയിക്കുന്നതായും സൈന്യം അറിയിച്ചു. കുൽഗാമിലെ രംഭാമ പ്രദേശത്ത് നിന്നാണ് ഷാക്കിറിന്റെ കാറ് കണ്ടെത്തിയത്.

ശോപിയാൻ, അനന്ത്‌നാഗ്, കുൽഗാം എന്നീ ജില്ലകളിലായി സൈനികനുള്ള തെരച്ചിൽ ഊർജിതമാക്കിയിട്ടുണ്ട്. ഡ്രോണുകളും സ്‌നിഫർ നായകളെയും ഉപയോഗിച്ചാണ് തെരച്ചിൽ നടത്തുന്നത്.

Story Highlights – Soldier Missing In Kashmir Kulgam Likely Kidnapped By Terrorists suspects Army