ഇന്ത്യൻ ഓയിൽ കോർപറേഷന്റെ എണ്ണക്കപ്പലിന് ശ്രീലങ്കൻ തീരത്ത് തീപിടിച്ചു

ഇന്ത്യൻ ഓയിൽ കോർപറേഷന്റെ എണ്ണക്കപ്പലിന് ശ്രീലങ്കൻ തീരത്ത് തീപിടിച്ചു. ശ്രീലങ്കയുടെ വടക്കു കിഴക്കൻ മേഖലയിലാണ് സംഭവം. ഇന്ത്യൻ ഓയിൽ കോർപറേഷന്റെ ന്യൂഡയമണ്ട് എണ്ണ ടാങ്കറിനാണ് തീപിടിച്ചത്. ശ്രീലങ്കൻ നാവികസേനയെ ഉദ്ധരിച്ച് റോയിട്ടേഴ്‌സാണ് വാർത്ത പുറത്തുവിട്ടത്.

കുവൈത്തിൽ നിന്ന് പാരാദ്വീപിലേക്കുള്ള യാത്രക്കിടെയാണ് അപകടമുണ്ടായത്. 2.70 ലക്ഷം ടൺ ക്രൂഡോയിൽ ചരക്കുകപ്പലിൽ ഉണ്ടെന്നാണ് വിവരം. അഗ്നിബാധയുണ്ടായ കപ്പലിൽ നിന്ന് ഇതുവരെ എണ്ണച്ചോർച്ച ഉണ്ടായിട്ടില്ലെന്നാണ് സൂചന. ശ്രീലങ്കൻ നാവികസേനയും വ്യോമസേനയും രക്ഷാപ്രവർത്തനത്തിൽ സഹകരിക്കുന്നുണ്ട്.

Story Highlights Indian Oil Corp, Srilanka

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top