എസ്ബിഐ എടിഎമ്മുകളിൽ ഒടിപി അടിസ്ഥാനമാക്കിയുള്ള പണം പിൻവലിക്കലിന്റെ സമയം ദീർഘിപ്പിച്ചു

എസ്ബിഐ എടിഎമ്മുകളിൽ ഒടിപി അടിസ്ഥാനമാക്കിയുള്ള പണം പിൻവലിക്കലിന്റെ സമയം ദീർഘിപ്പിച്ചു. ഇന്നു മുതൽ 24 മണിക്കൂറും ഒടിപിയടെ അടിസ്ഥാനത്തിൽ എടിഎമ്മുകളിൽ നിന്ന് പണം പിൻവലിക്കാം.

മുൻപ് വൈകിട്ട് 8 മുതൽ രാവിലെ 8 വരെയായിരുന്നു ഒടിപിയുടെ അടിസ്ഥാനത്തിൽ പണം പിൻവലിക്കാനുള്ള സംവിധാനം ഏർപ്പെടുത്തിയിരുന്നത്. എസ്ബിഐ ഡെബിറ്റ് കാർഡ് ഉപഭോക്താക്കൾക്കും ഈ സംവിധാനം പ്രയോജനപ്പെടുത്താവുന്നതാണ്. 10000 രൂപയ്ക്ക് മുകളിൽ പിൻവലിക്കുന്നതിനാണ് ഒടിപി രീതി പ്രയോജനപ്പെടുത്തേണ്ടത്.

അതേസമയം, മറ്റ് ബാങ്കുകളുടെ എടിഎമ്മുകളിൽ നിന്ന് പണം പിൻവലിക്കുന്നതിന് ഈ ഒടിപി സംവിധാനം ഉണ്ടാവുന്നതല്ല.

Story Highlights – SBI has extended OTP based cash withdrawals at ATMs