15
Jun 2021
Tuesday

കപിലിന്റെ ആരോഗ്യനിലയിൽ പുരോഗതി; പ്രാർത്ഥനങ്ങൾക്ക് നന്ദി പറഞ്ഞ് താരം

Kapil Dev recovery surgery

ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചിരുന്ന ഇന്ത്യൻ ഇതിഹാസ താരം കപിൽ ദേവിൻ്റെ ആരോഗ്യനിലയിൽ പുരോഗതി. ആരോഗ്യനിലയിൽ പുരോഗതിയുണ്ടെന്നും പ്രാർത്ഥനകൾക്ക് നന്ദി പറയുന്നു എന്നും കപിൽ തന്നെയാണ് തൻ്റെ ട്വിറ്റർ ഹാൻഡിലിലൂടെ വ്യക്തമാക്കിയത്. കപിലിൻ്റെ സഹതാരമായിരുന്ന ചേതൻ ശർമ്മ തൻ്റെ ട്വിറ്റർ ഹാൻഡിലിലൂടെ കപിലിൻ്റെ ചിത്രം പങ്കുവെക്കുകയും ചെയ്തു.

Read Also : ഹൃദയാഘാതം: കപിൽ ദേവിനെ ആശുപത്രിയിൽ പ്രവേശിപ്പിച്ചു; അടിയന്തര ശസ്ത്രക്രിയ

വെള്ളിയാഴ്ച രാത്രി 1 മണിയോടെയാണ് കപിലിനെ ആശുപത്രിയിൽ പ്രവേശിപ്പിച്ചത്. ഡൽഹിയിലെ ഫോർടിസ് എസ്കോർട്സ് ആശുപത്രിയിലാണ് കപിൽ ഉള്ളത്. അദ്ദേഹത്തെ ആൻജിയോപ്ലാസ്റ്റി സർജറിക്ക് വിധേയനാക്കിയിരുന്നു. ഏതാനും ദിവസങ്ങൾക്കുള്ളിൽ അദ്ദേഹം ആശുപത്രി വിടുമെന്ന് വാർത്താ കുറിപ്പിലൂടെ അധികൃതർ പറഞ്ഞിരുന്നു.

61കാരനായ കപിൽ ദേവ് ഇന്ത്യ കണ്ട ഏറ്റവും മികച്ച ഓൾറൗണ്ടറാണ്. 1983ൽ ഇന്ത്യ ആദ്യമായി ക്രിക്കറ്റ് ലോകകപ്പ് നേടുമ്പോൾ കപിൽ ആയിരുന്നു ഇന്ത്യയുടെ നായകൻ. ഇന്ത്യക്കായി 131 ടെസ്റ്റുകളിൽ 225 ഏകദിനങ്ങളിലും കപിൽ പാഡണിഞ്ഞിട്ടുണ്ട്. 400ലധികം വിക്കറ്റുകളും 5000ലധികം റൺസുകളും നേടിയ ഒരേയൊരു ക്രിക്കറ്ററാണ് കപിൽ. 434 വിക്കറ്റുകളും 5248 റൺസുമാണ് അദ്ദേഹത്തിനുള്ളത്.

Story Highlights Kapil Dev on ‘road to recovery’ after heart surgery

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top