Advertisement

ബിനീഷ് കോടിയേരിയെ 12 മണിക്കൂര്‍ ചോദ്യം ചെയ്ത് ഇഡി

October 31, 2020
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ലഹരിക്കടത്ത് കേസില്‍ ബിനീഷ് കോടിയേരിയുടെ ഇന്നത്തെ ചോദ്യം ചെയ്യല്‍ പൂര്‍ത്തിയായി. 12 മണിക്കൂറാണ് ബിനീഷിനെ ഇന്ന് ഇഡി ചോദ്യം ചെയ്തത്. രാവിലെ 8.30 ഓടെയാണ് ബിനീഷ് കോടിയേരിയെ എന്‍ഫോഴ്‌സ്‌മെന്റ് ഓഫീസില്‍ എത്തിച്ചത്. തുടര്‍ന്ന് 10 മണിയോടെ ചോദ്യം ചെയ്യല്‍ ആരംഭിച്ചിരുന്നു. പ്രധാനമായും സാമ്പത്തിക ഇടപാടുകളെക്കുറിച്ചുള്ള ചോദ്യങ്ങളാണ് ഉണ്ടായത്.

അതേസമയം, ബിനീഷ് കോടിയേരി കാണാന്‍ സഹോദരന്‍ ബിനോയ് എത്തിയിരുന്നു. വൈകിട്ടോടെയാണ് ബിനോയ് കോടിയേരിയും രണ്ട് അഭിഭാഷകരും ബിനീഷ് കോടിയേരിയെ സന്ദര്‍ശിക്കാനായി ബംഗളൂരുവിലെ എന്‍ഫോഴ്സ്മെന്റ് ഡയറക്ടറേറ്റ് ഓഫീസില്‍ എത്തിയത്. എന്നാല്‍ ഇഡി ഉദ്യോഗസ്ഥര്‍ സന്ദര്‍ശനാനുമതി കൊടുത്തില്ല. അര മണിക്കൂറോളം ഇവര്‍ ഇഡി ഓഫീസില്‍ കാത്തുനിന്ന ശേഷം മടങ്ങി.

Story Highlights Bineesh Kodiyeri

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement