നിക്ഷേപ തട്ടിപ്പ്: പൂക്കോയ തങ്ങൾ കീഴടങ്ങിയേക്കും

ജ്വല്ലറി നിക്ഷേപ തട്ടിപ്പ് കേസിൽ ഒന്നാംപ്രതിയായ പൂക്കോയ തങ്ങൾ കോടതിയിൽ കീഴടങ്ങാൻ നീക്കം ആരംഭിച്ചു. ഇതിനിടയിൽ നിക്ഷേപ തട്ടിപ്പിൽ രണ്ട് കേസുകൾ കൂടി രജിസ്റ്റർ ചെയ്തു. ഇതോടെ ആകെ കേസുകളുടെ എണ്ണം 117 ആയി.

ജ്വല്ലറി മാനേജിംഗ് ഡയറക്ടർ ടി.കെ പൂക്കോയ തങ്ങൾ ചോദ്യം ചെയ്യലിന് ഹാജരാകാതായതോടെയാണ് ഒളിവിൽ പോയെന്ന ആക്ഷേപമുയർന്നത്. എം. സി കമറുദ്ദീന്റെ അറസ്റ്റ് അന്വേഷണ സംഘം രേഖപ്പെടുത്തിയതോടെ പൂക്കോയ തങ്ങളെ കുറിച്ചും വിവരമില്ലാതെയായി. കേസിൽ ഒന്നാം പ്രതിയായ തങ്ങൾക്കായി അന്വേഷണ സംഘം തിരച്ചിൽ ഊർജിതമാക്കുന്നതിനിടെയാണ് കോടതിയിൽ കീഴടങ്ങാൻ നീക്കം ആരംഭിച്ചത്. നാളെ ഹൊസ്ദുർഗ് കോടതിയിൽ കീഴടങ്ങിയേക്കുമെന്ന് സൂചന.

അറുപതോളം സാക്ഷികളിൽ നിന്നുള്ള തെളിവുകളുടെ അടിസ്ഥാനത്തിലാണ് കമറുദ്ദീനെ പ്രത്യേക അന്വേഷണ സംഘം പ്രതിചേർത്തത്. മാനേജിംഗ് ഡയറക്ടറായ പൂക്കോയ തങ്ങൾ കേസിൽ ഒന്നാംപ്രതിയാണ്.

Story Highlights – Pookkoya thangal, M C Kamarudhin