സംസ്ഥാനത്ത് ഇന്ന് 7007 പേര്ക്ക് കൊവിഡ് സ്ഥിരീകരിച്ചു; 6152 പേര്ക്ക് സമ്പര്ക്കത്തിലൂടെ രോഗം
സംസ്ഥാനത്ത് ഇന്ന് 7007 പേര്ക്ക് കൊവിഡ് സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ വാര്ത്താകുറിപ്പില് അറിയിച്ചു. 29 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 86 പേര് സംസ്ഥാനത്തിന് പുറത്ത് നിന്നും വന്നവരാണ്. 6152 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 717 പേരുടെ സമ്പര്ക്ക ഉറവിടം വ്യക്തമല്ല. രോഗം സ്ഥിരീകരിച്ച് ചികിത്സയിലായിരുന്ന 7252 പേരുടെ പരിശോധനാഫലം നെഗറ്റീവ് ആയതായും മന്ത്രി അറിയിച്ചു.
രോഗം സ്ഥിരീകരിച്ചവരുടെ ജില്ലതിരിച്ചുള്ള കണക്ക്
- എറണാകുളം -977
- തൃശൂര് -966
- കോഴിക്കോട് -830
- കൊല്ലം -679
- കോട്ടയം -580
- മലപ്പുറം -527
- ആലപ്പുഴ -521
- തിരുവനന്തപുരം -484
- പാലക്കാട് -424
- കണ്ണൂര് -264
- പത്തനംതിട്ട -230
- ഇടുക്കി -225
- വയനാട് -159
- കാസര്ഗോഡ് -141
കഴിഞ്ഞ 24 മണിക്കൂറിനിടെ 64,192 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.91 ആണ്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജന് അസ്സെ എന്നിവ ഉള്പ്പെടെ ഇതുവരെ ആകെ 52,49,865 സാമ്പിളുകളാണ് പരിശോധനയ്ക്കായി അയച്ചത്.
29 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. തിരുവനന്തപുരം പാപ്പനംകോട് സ്വദേശിനി വത്സല കുമാരി (60), നെടുമങ്ങാട് സ്വദേശി സുകുമാരന് (72), മുക്കോല സ്വദേശി രാധാകൃഷ്ണന് നായര് (56), മരിയപുരം സ്വദേശിനി കനകം (65), ചാല സ്വദേശി ജഗദീശന് (72), വള്ളക്കടവ് സ്വദേശി എം. മോഹനന് (56), ചെങ്കല് സ്വദേശിനി ബി. ശാന്തകുമാരി (68), വെള്ളയമ്പലം സ്വദേശി യോഗിറാം സുരുഗി (64), കൊല്ലം കാരംകോട് സ്വദേശി ചക്രപാണി (65), കിളികൊല്ലൂര് സ്വദേശി ശ്രീകണ്ഠന് നായര് (59), ആലപ്പുഴ മാനാഞ്ചേരി സ്വദേശി ശിവദാസന് (63), കാരക്കാട് സ്വദേശി എ.എന്. രാധാകൃഷ്ണന് പിള്ള (74), കോട്ടയം പാമ്പാടി സ്വദേശി അജയ്ബാബു (64), കോട്ടയം സ്വദേശി വിനോദ് പാപ്പന് (53), കോട്ടയം സ്വദേശി ദാസന് (72), മരങ്ങാട്ടുപിള്ളി സ്വദേശി അനില് കെ. കൃഷ്ണന് (53), ചങ്ങനാശേരി സ്വദേശി സുലൈമാന് (66), കോടിമാത സ്വദേശിനി സുധാമ്മ (64), എറണാകുളം അമ്പലാശേരി സ്വദേശിനി സാറമ്മ വര്ക്കിയച്ചന് (69), തൃശൂര് പാര്ലികാട് സ്വദേശി ഗോപാലന് (89), ഇടശേരി സ്വദേശി അബ്ദുള് സലീം (38), പാലക്കാട് മുണ്ടൂര് സ്വദേശി മുഹമ്മദ് അലി (65), മലപ്പുറം പരിശങ്ങാടി സ്വദേശിനി കാളി (85), മോങ്കം സ്വദേശി മുഹമ്മദ് ഹാജി (75), കോഴിക്കോട് ഫറോഖ് സ്വദേശി ഹസന് (68), കണ്ണൂര് മാലപട്ടം സ്വദേശി രാമചന്ദ്രന് (67), ചെറുവാഞ്ചേരി സ്വദേശിനി അലീന (80), കാസര്ഗോഡ് ആനന്ദാശ്രം സ്വദേശി ഹരിദാസ് (59), മുള്ളീരിയ സ്വദേശി പദ്മനാഭന് (72), എന്നിവരാണ് മരണമടഞ്ഞത്. ഇതോടെ ആകെ മരണം 1771 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
ഇന്ന് രോഗം സ്ഥിരീകരിച്ചവരില് 86 പേര് സംസ്ഥാനത്തിന് പുറത്ത് നിന്നും വന്നവരാണ്. 6152 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 717 പേരുടെ സമ്പര്ക്ക ഉറവിടം വ്യക്തമല്ല.
സമ്പര്ക്കത്തിലൂടെ രോഗം ബാധിച്ചവരുടെ ജില്ലതിരിച്ചുള്ള കണക്ക്
- എറണാകുളം -684
- തൃശൂര് -952
- കോഴിക്കോട് -801
- കൊല്ലം -664
- കോട്ടയം -580
- മലപ്പുറം -486
- ആലപ്പുഴ -505
- തിരുവനന്തപുരം -396
- പാലക്കാട് -260
- കണ്ണൂര് -190
- പത്തനംതിട്ട -161
- ഇടുക്കി -194
- വയനാട് -145
- കാസര്ഗോഡ് -134
52 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കോഴിക്കോട് 11, എറണാകുളം 8, തിരുവനന്തപുരം, കൊല്ലം, തൃശൂര്, കണ്ണൂര് 5 വീതം, പാലക്കാട്, മലപ്പുറം, വയനാട് 3 വീതം, പത്തനംതിട്ട 2, ആലപ്പുഴ, കാസര്ഗോര്ഡ് 1 വീതം ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 7252 പേരുടെ പരിശോധനാഫലം നെഗറ്റീവ് ആയി.
രോഗമുക്തി നേടിയവരുടെ ജില്ലതിരിച്ചുള്ള കണക്ക്
- തിരുവനന്തപുരം -704
- കൊല്ലം -779
- പത്തനംതിട്ട -174
- ആലപ്പുഴ -716
- കോട്ടയം -353
- ഇടുക്കി -91
- എറണാകുളം -758
- തൃശൂര് -943
- പാലക്കാട് -506
- മലപ്പുറം -661
- കോഴിക്കോട് -836
- വയനാട് -83
- കണ്ണൂര് -501
- കാസര്ഗോഡ് -147
ഇതോടെ 78,420 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 4,22,410 പേര് ഇതുവരെ കൊവിഡില് നിന്നും മുക്തി നേടി.
Story Highlights – covid confirmed 7007 cases in kerala today
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here