ഊരാളുങ്കല് സൊസൈറ്റിയില് റെയ്ഡെന്ന വാര്ത്ത അടിസ്ഥാനരഹിതമെന്ന് സൊസൈറ്റി ചെയര്മാന്
ഊരാളുങ്കല് ലേബര് സൊസൈറ്റിയില് എന്ഫോഴ്സ്മെന്റ് പരിശോധന നടത്തി എന്ന വാര്ത്ത അടിസ്ഥാനരഹിതമാണെന്ന് സൊസൈറ്റി ചെയര്മാന് പാലേരി രമേശന്. ‘ ഇ.ഡിയുടെ രണ്ട് ഉദ്യോഗസ്ഥര് സൊസൈറ്റിയില് വന്നിരുന്നു എന്നതു വസ്തുതയാണ്. ഇവരില് കോഴിക്കോട് ഓഫീസിലെ ഒരു ഉദ്യോഗസ്ഥന് മാത്രമാണു സൊസൈറ്റിയില് പ്രവേശിച്ചത്. നിലവില് ഇ.ഡി അന്വേഷിക്കുന്ന കേസുകളുമായി ബന്ധപ്പെട്ട ആര്ക്കെങ്കിലും സൊസൈറ്റിയുമായി ബന്ധമുണ്ടോ എന്നു ചോദിക്കുക മാത്രമാണ് അദ്ദേഹം ചെയ്തത്. അവരിലാര്ക്കും സൊസൈറ്റിയുമായി ഒരുതരത്തിലും ബന്ധമില്ല എന്നു മറുപടി നല്കുകയും അതില് തൃപ്തരായി അവര് മടങ്ങുകയുമാണ് ഉണ്ടായതെന്നും പാലേരി രമേശന് വാര്ത്താക്കുറിപ്പില് വ്യക്തമാക്കി.
സൊസൈറ്റിയുടെ ഇന്കം ടാക്സ് സ്റ്റേറ്റ്മെന്റ് ആവശ്യപ്പെടുകയും അതു പരിശോധിച്ച് കൃത്യമാണെന്ന് ബോധ്യപ്പെടുകയും ചെയ്തു. വസ്തുത ഇതുമാത്രം ആയിരിക്കെ റെയ്ഡ് എന്ന മട്ടില് വാര്ത്ത പ്രചരിപ്പിക്കുന്നത് 13000-ത്തോളം തൊഴിലാളികളുടെ കുടുംബങ്ങള്ക്ക് ഉപജീവനത്തിന് ആധാരമായ ഒരു സ്ഥാപനത്തെ അപകീര്ത്തിപ്പെടുത്താനേ സഹായിക്കൂ എന്നും പാലേരി രമേശന് പറഞ്ഞു.
Story Highlights – ulccs raid paleri rameshan reaction
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here