മലപ്പുറം ചാലിയാർ പഞ്ചായത്തിൽ ഭരണം യുഡിഎഫിന്; പ്രസിഡന്റായി എൽഡിഎഫ് സ്ഥാനാർത്ഥി

മലപ്പുറം ചാലിയാർ പഞ്ചായത്തിൽ ഭരണം യുഡിഎഫിനാണെങ്കിലും ഇവിടെ പ്രസിഡന്റാകുക എൽഡിഎഫ് സ്ഥാനാർത്ഥിയായിരിക്കും. പ്രസിഡന്റ് സ്ഥാനം പട്ടിക വർ​ഗ വിഭാ​ഗത്തിന് സംവരണം ചെയ്തതിനാലാണ് ഇത്തരത്തിലൊരു കൗതുകകരമായ നടപടി ഉണ്ടാകുക. ഇവിടെ യുഡിഎഫിന്റെ പ്രസിഡന്റ് സ്ഥാനാർത്ഥി പരാജയപ്പെട്ടു. ഇതോടെ എൽഡിഎഫ് സ്ഥാനാർത്ഥി പ്രസിഡന്റാകാനുള്ള സാധ്യത തെളിയുകയായിരുന്നു.

ഏറനാണ് മണ്ഡലത്തിലാണ് ചാലിയാർ പഞ്ചായത്ത്. ഇവിടെ പ്രസിഡന്റ് സ്ഥാനം ഇത്തവണ പട്ടിക വർ​ഗ വിഭാ​ഗത്തിന് നൽകുകയായിരുന്നു. പഞ്ചായത്ത് രൂപീകരിച്ച് 41 വർഷത്തിന് ശേഷമാണ് ജില്ലയിൽ ഏറ്റവുമധികം ആദിവാസികൾ താമസിക്കുന്ന ചാലിയാർ പഞ്ചായത്തിലെ അമരത്തേത്ത് ഇവർക്കിടയിൽ നിന്ന് തന്നെ ഒരാളെത്തുന്നത്. ഏറെ സന്തോഷത്തോടെയാണ് ആദിവാസി സമൂഹം ഇതിനെ നോക്കിക്കണ്ടത്.

Story Highlights – Local body election, Malappuram, LDF, UDF

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top